శాంసంగ్ కంపెనీ గ‌త నెల రోజుల కింద‌ట గెలాక్సీ M01 స్మార్ట్‌ఫోన్‌ను భార‌త్‌లో విడుద‌ల చేసిన విష‌యం విదిత‌మే. కాగా ఈ ఫోన్ ధ‌ర‌ను రూ.600 త‌గ్గించారు. దీంతో ప్ర‌స్తుతం ఈ ఫోన్‌ను వినియోగ‌దారులు త‌గ్గించిన ధ‌ర‌కే కొనుగోలు చేయ‌వ‌చ్చు.
గెలాక్సీ M01 స్మార్ట్ ఫోన్‌కు చెందిన 3జీబీ ర్యామ్‌, 32జీబీ స్టోరేజ్ వేరియెంట్ ధ‌ర రూ.8,999గా ఉండేది. రూ.600 త‌గ్గించడంతో ఇప్పుడు రూ.8,399 ధ‌ర‌కే ల‌భిస్తోంది. అమెజాన్ సైట్‌లో త‌గ్గిన ధ‌ర‌కు ఈ ఫోన్‌ను విక్ర‌యిస్తున్నారు. అయితే ఈ ఫోన్ ధ‌ర‌ను ప‌ర్మినెంట్‌గా త‌గ్గించారా, లేక ఈ ఆఫ‌ర్ కొన్ని రోజుల వ‌ర‌కేనా అన్న వివ‌రాల‌ను శాంసంగ్ తెలియ‌జేయ‌లేదు.
గెలాక్సీ M01 స్మార్ట్ ఫోన్‌లో.. 5.7 ఇంచుల హెచ్‌డీ ప్ల‌స్ రిజల్యూష‌న్ క‌లిగిన డిస్‌ప్లేను ఏర్పాటు చేశారు. స్నాప్‌డ్రాగ‌న్ 439 ప్రాసెస‌ర్‌, 3జీబీ ర్యామ్‌, 13, 2 మెగాపిక్స‌ల్ బ్యాక్ కెమెరాలు, 5 మెగాపిక్స‌ల్ ఫ్రంట్ కెమెరాను ఏర్పాటు చేశారు. ఇందులో 4000 ఎంఏహెచ్ కెపాసిటీ క‌లిగిన బ్యాట‌రీ కూడా ఉంది. ఆండ్రాయిడ్ 10 ఓఎస్‌ను అందిస్తున్నారు. ఫేస్ అన్‌లాక్ స‌దుపాయం ఉంది. డ్యుయ‌ల్ 4జీ వీవోఎల్‌టీఈ, బ్లూటూత్ 4.2 ఫీచ‌ర్లు ఉన్నాయి.
