రవితేజ ‘రావణాసుర’ నుంచి మరో ఇంట్రెస్టింగ్‌ అప్‌డేట్‌

ధమాకా, వాల్తేరు వీరయ్యలతో ట్రాక్ లోకి వచ్చాడు మాస్ మహారాజ రవితేజ. బ్యాక్ టు బ్యాక్ హిట్ లు కొట్టి తన తదుపరి సినిమాలపై ఫుల్ ఫోకస్ పెట్టాడు. రావణాసుర సినిమాతో హ్యాట్రిక్ కొట్టేందుకు రెడీ అయ్యాడు. సుధీర్‌ వర్మ దర్శకత్వం వహిస్తున్న ఈ సినిమాపై టైటిల్‌ పోస్టర్‌ నుంచే ప్రేక్షకుల్లో భారీ అంచనాలు నెలకొన్నాయి.  ఇటీవలే రిలీజైన రావణాసుర ఆంథమ్‌ సాంగ్ ప్రేక్షకులకు మామూలు కిక్ ఇవ్వలేదు. ఆ కిక్ నుంచి ఇంకా తేరుకోక ముందే మరో క్రేజీ అప్డేన్ ప్రకటించింది ఈ చిత్రబృందం.

‘ప్యార్‌లోన పాగల్‌’ అంటూ సాగే సెకండ్‌ పాటను ఫిబ్రవరి 18న రిలీజ్‌ చేస్తున్నట్లు చిత్రబృందం వెల్లడించింది. యాక్షన్ థ్రిల్లర్‌ నేపథ్యంలో తెరకెక్కుతున్న ఈ సినిమాలో రవితేజ నెగెటీవ్‌ షేడ్స్ ఉన్న పాత్రలో నటిస్తున్నాడు. ర‌వితేజ‌కు జోడీగా అనూ ఇమాన్యూయేల్‌, మేఘా ఆకాశ్‌, ఫ‌రియా అబ్దుల్లాలు న‌టిస్తున్నారు. అక్కినేని సుశాంత్‌ కీలకపాత్రలో నటిస్తున్న ఈ సినిమాను అభిషేక్ అగ‌ర్వాల్ ఆర్ట్స్ బ్యాన‌ర్‌తో క‌లిసి ర‌వితేజ ఆర్‌టీ టీం వ‌ర్క్స్ బ్యాన‌ర్‌పై స్వీయ నిర్మాణంలో తెర‌కెక్కిస్తున్నాడు. ఈ సినిమాను ఏప్రిల్‌ 7న రిలీజ్‌ చేయాలని మేకర్స్‌ సన్నాహాలు చేస్తున్నారు.