కమలం వికసిస్తుందని..చెవిలో పువ్వులు బాగానే పెట్టారని ప్రధాని మోడీకి చురకలు అంటించారు YSRTP పార్టీ అధినేత వైఎస్‌ షర్మిల. ఇవాళ బేగంపేట్‌ లో ప్రసంగించిన ప్రధాని మోడీ.. తెలంగాణ కమలం వికసించనుందని పేర్కొన్నారు. అయితే… ఆయన చేసిన వ్యాఖ్యలకు YSRTP పార్టీ అధినేత వైఎస్‌ షర్మిల..స్ట్రాంగ్‌ కౌంటర్‌ ఇచ్చారు.
“తెలంగాణా అంతటా కమలం వికసిస్తుంది” అంటున్న మోడీగారు, మీ పూలు వికసించాలి, మా తెలంగాణ ప్రజల చెవుల్లో పెట్టాలి, అంతేనా సారూ? కోచ్ ఫ్యాక్టరీ నుండి ITIR వరకు, విభజన హామీల నుండి 2 కోట్ల కొలువుల వరకు, ఇంకెన్ని పూలు వికసింపజేసుకుంటారు, ఎన్ని మా చెవిలో పెడతారు? అని ఫైర్‌ అయ్యారు. మెగాస్కాం కాళేశ్వరంతో రూ.వేల కోట్లు వెనకేసుకున్న కమిషన్ రావు అండ్ కో మీద చర్యలేవి? “కాళేశ్వరం KCRకు ATM. కమీషన్ల కోసమే కాళేశ్వరం కట్టిండు. కాళేశ్వరంలో భారీ అవినీతి జరిగింది” అని గప్పాలు కొట్టే బీజేపీ పెద్దలు ఎందుకు ఎంక్వైరీ చేయించడం లేదు? అని మరో ట్వీట్‌ లో ప్రశ్నించారు.
