కేజీఎఫ్ డైరెక్టర్ ప్రశాంత్ నీల్ దర్శకత్వంలో తెరకెక్కుతున్న మరో భారీ బడ్జెట్ సినిమా ‘సలార్’. పాన్ ఇండియా స్టార్ ప్రభాస్ హీరోగా వస్తోన్న ఈ మూవీలో రెబల్ స్టార్ సరసన శ్రుతి హాసన్ కథానాయికగా నటిస్తోంది. ఈ చిత్రం షూటింగ్ వేగంగా జరుగుతోంది.
ఈ సినిమాలో ఆద్యగా నటిస్తున్న హీరోయిన్ శ్రుతి హాసన్ షూటింగ్లో భాగంగా తన షూట్ను విజయవంతంగా పూర్తి చేసుకున్నారు. ఈ సందర్భంగా మూవీ టీమ్కు ఇన్స్టాగ్రామ్ వేదికగా ఈ ‘సలార్’ తార.. సెట్లో తీసుకున్న ఓ ఫొటోను షేర్ చేసి కృతజ్ఞతలు తెలిపారు. అందులో శ్రుతితో పాటు సలార్ డైరెక్టర్ ప్రశాంత్ నీల్, సినిమాటోగ్రాఫర్ భువన గౌడలు ఉన్నారు.
“నన్ను మీ ఆద్యగా మార్చుకున్నందుకు ప్రశాంత్ నీల్‌కు థ్యాంక్స్.అలాగే డార్లింగ్‌ ప్రభాస్‌కు ధన్యవాదాలు. మీ అందరితో కలిసి ఈ ప్రత్యేకమైన చిత్రంలో పని చేయడం చాలా బాగుంది. చివరికి నిజంగా ఓ కుటుంబంలా అనిపించింది” అంటూ ఇన్స్టాలో పోస్ట్ కింద రాసుకొచ్చారు. ప్రస్తుతం ఈ ఫొటో తెగ వైరల్గా అవుతోంది.
