హీరో శర్వానంద్.. వరుస సినిమాలతో దూసుకుపోతున్నాడు. ఈ గత ఏడాది మొదట్లో శ్రీకారం సినిమాతో ముందుకు వచ్చిన శర్వానంద్.. మంచి విజయాన్ని ఖాతాలో వేసుకున్నాడు. ఆ తర్వాత వచ్చిన… మహా సముద్రం పెద్దగా ఆకట్టుకోకపోయినా.. పర్వాలేదనిపించాడు. అలాగే… ఆడాళ్ళు మీకు జోహార్లు’ చిత్రం యావరేజ్ హిట్ అయింది. అయితే.. శర్వానంద్ హీరోగా శ్రీకార్తీక్‌ డైరెక్షన్‌లో మరో చిత్రం రూపుదిద్దుకుంటోంది.
ఈ మూవీలో హీరోయిన్‌గా పెళ్లి చూపులు ఫేం.. రీతూ వర్మ నటిస్తోంది. అలాగే అక్కినేని ఫ్యామిలీ నుంచి అమల గారు ఓ కీలక పాత్ర పోషిస్తున్నారు.అయితే.. తాజాగా ఈ సినిమా నుంచి ఓ అప్డేట్‌ వచ్చింది. ఈ సినిమా ఒక్కటే కథ అనే లిరిక్స్ తో ప్రారంభమయ్యే పాటను విడుదల చేసింది చిత్ర బృందం. ఈ సాంగ్ చాలా ఎమోషనల్ టచ్ ను ఇస్తోంది. కాగా ఈ సినిమాను సెప్టెంబర్ 9 వ తేదీన రిలీజ్ చేయనున్నట్లు ఇప్పటికే చిత్ర బృందం ప్రకటించింది.
