కామన్వెల్త్ క్రీడల వెయిట్‌లిఫ్టింగ్‌లో భారత్‌ ఖాతాలో మరో స్వర్ణం చేరింది. పురుషుల 73 కేజీల ఫైనల్లో అచింత షూలి పసిడి సాధించాడు. ఆదివారం అర్ధరాత్రి దాటిన తర్వాత ముగిసిన ఈ పోటీలో ఆరంభం నుంచి స్థిరంగా బరువులు ఎత్తిన 20 ఏళ్ల ఈ బెంగాల్‌ లిఫ్టర్‌ ప్రత్యర్థుల నుంచి పోటీ ఎదురైనా వారిని వెనక్కి నెట్టి పతకాన్ని సొంతం చేసుకున్నాడు.
బంగారు పతకాన్ని సాధించిన అచింతను పలువురు ప్రముఖులు అభినందిస్తున్నారు. రాష్ట్రపతి ద్రౌపదీ ముర్ము కంగ్రాట్స్ చెప్పారు. ప్రధాని నరేంద్ర మోదీ కూడా ప్రత్యేక శుభాకాంక్షలు తెలియజేశారు. ‘అనుకున్నది సాధించావుగా.. ఇప్పుడు వెళ్లి హ్యాపీగా సినిమా చూసుకో’ అంటూ ట్వీట్ చేశారు మోదీ.
కామన్వెల్త్ క్రీడలకు ముందు ఆటగాళ్లతో మోదీ వీడియో కాన్ఫరెన్స్లో మాట్లాడారు. ఆ సమయంలో అచింతతో జరిగిన సంభాషణను మోదీ గుర్తుచేసుకున్నారు. “కామన్వెల్త్ గేమ్స్‌కు ఆటగాళ్ల బృందంతో మాట్లాడాను. ఆ సమయంలో అచింతతో కూడా సంభాషించాను. అతడికి తన తల్లి, సోదరుడు ఇచ్చిన మద్దతు గురించి చర్చించాము. అతడికి సినిమాలు ఇష్టమని చెప్పాడు. కాబట్టి ఇప్పుడు అచింతకు సమయం దొరికింది. సినిమాలు చూసుకోవచ్చు” అని మోదీ ట్వీట్ చేశారు.
Delighted that the talented Achinta Sheuli has won a Gold Medal at the Commonwealth Games. He is known for his calm nature and tenacity. He has worked very hard for this special achievement. My best wishes to him for his future endeavours. pic.twitter.com/cIWATg18Ce
— Narendra Modi (@narendramodi) August 1, 2022
Before our contingent left for the Commonwealth Games, I had interacted with Achinta Sheuli. We had discussed the support he received from his mother and brother. I also hope he gets time to watch a film now that a medal has been won. pic.twitter.com/4g6BPrSvON
— Narendra Modi (@narendramodi) August 1, 2022
