ఆచార్య సినిమా తర్వాత మెగా స్టార్‌ చిరంజీవి.. తన ఫ్యాన్స్ కోసం వరుసగా సినిమాలు చేస్తున్నారు. ప్రస్తుతం చిరంజీవి… మూడు సినిమాలను లైన్‌ లో పెట్టారు. అందులో ఒకటే మెగాస్టార్ 154 సినిమా. ఆ సినిమాకు వాల్తేరు వీరయ్య టైటిల్‌ పెట్టనున్నట్లు టాక్‌. ఇక ఈ సినిమాపై మెగా ఫ్యాన్స్ లో భారీ అంచనాలు ఉన్నాయి.. టాలీవుడ్ టాలెంటెడ్ డైరెక్టర్ బాబి ఈ సినిమాను తెరకెక్కిస్తున్నారు.
ఇక ఈ సినిమా మైత్రి మూవీస్ బ్యానర్ పై తెరకెక్కుతోంది. అలాగే ఈ సినిమాకు టాలీవుడ్ ఫేమస్ మ్యూజిక్ డైరెక్టర్ దేవిశ్రీ ప్రసాద్ సంగీత స్వరాలు అందిస్తున్నారు. ఇక ఈ సినిమా మాస్‌ మహారాజు రవితేజ కూడా నటిస్తున్నారు. మెగాస్టార్ చిరంజీవి సవతి తల్లి కొడుకుగా రవితేజ నటించనున్నారట. అంటే చిరంజీవి, రవితేజ ఇద్దరూ అన్నదమ్ములన్నమాట. అయితే..ఆ సవతి తల్లి పాత్రలో జయసుధ నటిస్తున్నారని టాక్‌ వినిపిస్తోంది. దీనిపై త్వరలోనే క్లారిటీ రానుంది.
