బోర్డర్ గవాస్కర్ ట్రోపీలో తెలుగు కుర్రాడు నితీష్ కుమార్ రెడ్డి అద్భుతం సృష్టించాడు. తన అంతర్జాతీయ టెస్ట్ కెరీర్ లో తొలి సెంచరీ నమోదు చేసి తెలుగోడి సత్తా చాటాడు. ఆస్ట్రైలియాతో ఈ బోర్డర్ గవాస్కర్ సిరీస్ తొలి టెస్ట్ తో ఆరంగేట్రం చేసిన 21 ఏళ్ల నితీష్ కుమార్ రెడ్డి మెల్ బోర్న్ వేదికగా జరుగుతున్న నాలుగో బాక్సింగ్ డే టెస్ట్ లో 171 బంతుల్లో 9 ఫోర్లు, ఒక సిక్స్ తో సెంచరీ మైలు రాయిని చేరుకున్నాడు.
బోర్డర్ గవాస్కర్ ట్రోపీలో విరాట్ కోహ్లీ, యశస్వీ జైస్వాల్ తరువాత సెంచరీ చేసిన మూడో భారతీయ బ్యాటర్ గా నితీష్ కుమార్ రెడ్డి నిలిచాడు. దీంతో నితిష్ ఘన విజయం పై రాజకీయ ప్రముఖులు సైతం ప్రశంసల వర్షం కురిపిస్తున్నారు. ఈ క్రమంలో బీఆర్ఎస్ వర్కింగ్ ప్రెసిడెంట్ కేటీఆర్ ట్విట్టర్ వేదికగా స్పందిస్తూ ప్రశంసలు కురిపించారు. ఆస్ట్రేలియాతో జరిగిన టెస్ట్ మ్యాచ్ లో భారత్ తరపున సెంచరీ చేసిన నితిష్ కుమార్ రెడ్డిని కేటీఆర్ అభినందించారు.
