నందమూరి బాలకృష్ణ ఈ యేడాది సంక్రాంతికి ‘వీరసింహారెడ్డి మూవీతో మంచి సక్సెస్‌ను అందుకున్నారు. ఈ సినిమా తర్వాత అనిల్ రావిపూడి సినిమా చేస్తున్నారు. అంతేకాదు ఈ సినిమాకు సంబంధించిన రిలీజ్ డేట్‌ను అధికారికంగా ప్రకటించారు. తాజాగా ఈ సినిమాలో తమన్నా ఓ ఐటెం సాంగ్ చేయనున్నట్టు ఓ వార్త సోషల్ మీడియాలో వైరల్ అవుతోంది.
ఈ విషయమై తమన్నా స్పందించింది. ఆమె మాట్లాడుతూ.. తనకు బాలయ్య సర్, అనిల్ రావిపూడిపై ఎంతో గౌరవం ఉందని తెలిపింది. వారి సినిమా కోసం తనను ఒప్పించాల్సిన అవసరం లేదని, ఆ టీంలో పనిచేయడాన్ని తానెంతో ఎంజాయ్ చేస్తానని తెలిపింది. అయితే, తాను ఐటెం సాంగ్ చేస్తున్నట్టుగా తప్పుడు వార్తలు రాయడం తనను బాధించిందని తెలిపింది. ఇక తమన్నా సినిమాల విషయానికి వస్తే ప్రస్తుతం ఆమె మెగాస్టార్ హీరోగా వస్తన్న భోళా శంకర్ సినిమాలో నటిస్తోంది. మెహర్ రమేష్ దర్శకత్వంలో రానున్న ఈ సినిమా ఆగస్టు 11న ప్రేక్షకుల ముందుకు రానుంది.
