ఈ రోజుల్లో టాటూ వేయించుకోవడం ఒక క్రేజీ ట్రెండ్. స్టైల్ కోసమో జ్ఞాపకం కోసమో చాలామంది పచ్చబొట్లు పొడిపించుకుంటున్నారు. కానీ, టాటూ వేయించుకున్నంత ఈజీ కాదు దాని తర్వాత చర్మాన్ని కాపాడుకోవడం. కొంచెం అజాగ్రత్తగా ఉన్నా అలర్జీలు, ఇన్ఫెక్షన్లు వచ్చే ప్రమాదం ఉంది. అందుకే, టాటూ వేయించుకున్నాక ఎలాంటి జాగ్రత్తలు తీసుకోవాలో చర్మాన్ని ఎలా కాపాడుకోవాలో ఈ సింపుల్ సేఫ్టీ గైడ్లో చూద్దాం.
ఎండ నుంచి రక్షణ చాలా ముఖ్యం: టాటూ వేయించుకున్న కొత్తలో చర్మం చాలా సెన్సిటివ్గా ఉంటుంది. దీనిపై ఎండ పడితే యూవీ కిరణాల వల్ల టాటూ రంగు వెలిసిపోవడమే కాకుండా చర్మంపై అలెర్జీలు రావచ్చు. అందుకే ఎండలోకి వెళ్లేటప్పుడు కచ్చితంగా SPF 30 సన్స్క్రీన్ లోషన్ రాయాలి.ఇక ప్రతి రెండు గంటలకోసారి దీన్ని అప్లై చేయడం వల్ల టాటూ ఎప్పటికీ కొత్తదానిలా మెరుస్తుంది.
మాయిశ్చరైజర్తో తేమను అందించండి: పచ్చబొట్టు పొడిచినప్పుడు ఆ ప్రాంతంలో చర్మ కణాలు దెబ్బతింటాయి. దీనివల్ల చర్మం పొడిబారిపోయి నిర్జీవంగా మారుతుంది. అక్కడ మళ్లీ కొత్త కణాలు పుట్టాలంటే చర్మానికి తేమ అవసరం. అందుకే టాటూ ఉన్న చోట మంచి మాయిశ్చరైజర్ రాయండి. ఇక ఇది చర్మానికి చల్లదనాన్ని ఇవ్వడమే కాకుండా గాయం త్వరగా మానడానికి సహాయపడుతుంది.
బ్యూటీ ప్రొడక్ట్స్కు దూరంగా ఉండండి: టాటూ వేయించుకున్న తర్వాత కనీసం రెండు మూడు వారాల పాటు ఆ ప్రాంతంలో ఎలాంటి బ్యూటీ మాస్కులు, స్క్రబ్లు, వ్యాక్సింగ్లు చేయకూడదు. ఇక అక్కడ కొత్త చర్మం వచ్చే వరకు కెమికల్స్ ఉన్న ప్రొడక్ట్స్ వాడితే ఇన్ఫెక్షన్లు వచ్చే ఛాన్స్ ఎక్కువ. కాబట్టి కొన్ని రోజుల పాటు వీటికి దూరంగా ఉండటమే మీ చర్మానికి సేఫ్.
ఇక టాటూ అనేది మీ శరీరంపై లైఫ్ టైమ్ ఉండే ఒక అందమైన కళ. అది ఎప్పుడూ అందంగా, హెల్తీగా ఉండాలంటే పైన చెప్పిన చిన్న చిన్న జాగ్రత్తలు తప్పనిసరిగా పాటించాలి. ఇక సరైన కేర్ తీసుకుంటే మీ టాటూ సేఫ్గా ఉండటమే కాకుండా మీ చర్మం కూడా ఆరోగ్యంగా ఉంటుంది.
గమనిక: టాటూ వేయించుకున్న చోట విపరీతమైన మంట, చీము పట్టడం లేదా వాపు తగ్గకపోవడం లాంటివి జరిగితే అస్సలు నిర్లక్ష్యం చేయకుండా వెంటనే డాక్టర్ను సంప్రదించడం మంచిది.
