ఐదు టీ-20 మ్యాచుల సిరీస్లో జింబాబ్వే, భారత్ తలపడుతున్నాయి. ఈ మ్యాచ్ లో టీమిండియా యంగ్ ప్లేయర్ అబిషేక్ శర్మ ఆకాశమే హద్దుగా చెలరేగాడు. జింబాబ్వే బౌలర్లను ఉరుకులు పరుగులు పెట్టించాడు. 47 బంతుల్లో 8 సిక్సులు, 7 ఫోర్లు బాది అభిషేక్ సెంచరీ మార్క్ అందుకున్నాడు. తద్వారా అంతర్జాతీయ క్రికెట్లో తొలి సెంచరీ నమోదు చేశాడు. తొలి మ్యాచ్లో ఓడిన కసితో ఉన్న అభిషేక్ వచ్చిన బౌలర్ ని వచ్చినట్లు ఉతికి ఆరేశాడు. అభిషేక్ మెరుపు సెంచరీతో టీమిండియా భారీ స్కోర్ చేసింది. 234 పరుగులు సాధించింది.
అబిషేక్ ఔట్ అయిన తరువాత క్రీజులో ఉన్న రింకు సింగ్ (48), గైక్వాడ్ (77) చెలరేగారు. సిరీస్ తొలి మ్యాచ్లోనే భారత్కు షాకిచ్చిన జింబాబ్వేపై టీమిండియా ఆటగాళ్లు కసి తీర్చుకున్నారు. ఇక, మెరుపు సెంచరీతో భారత్ స్కోర్ చేయడంలో కీలక పాత్ర పోషించిన అభిషేక్.. ఐపీఎల్ సన్ రైజర్స్ హైదరాబాద్ తరుపున ఓపెనర్ గా బరిలోకి దిగి పరుగుల వరద పారించిన విషయం తెలిసిందే. దీంతో అభిషేక్ కి టీమిండియాలో చోటు దక్కింది. జింబాబ్వే 235 పరుగులు ఛేదిస్తుందా లేదా అనేది వేచి చూడాలి.
