Hyderabad-Riyadh flights : హైదరాబాద్ నుంచి రియాద్‌కు వెళ్లే వారికి అదిరిపోయే శుభవార్త అందింది. హైదరాబాద్ శంషాబాద్ ఎయిర్పోర్ట్ నుంచి సౌదీ అరేబియా రాజధాని రియాద్ కు ఫిబ్రవరి 2 నుంచి ఎయిర్ ఇండియా ఎక్స్ప్రెస్ విమాన సర్వీసులు నడవనున్నాయి.
ప్రతి సోమ, బుధ శుక్రవారం మధ్యాహ్నం 12.05 గంటలకు విమానం శంషాబాద్ నుంచి బయలుదేరి మధ్యాహ్నం 3 గంటలకు రియాద్ చేరుకుంటుంది. అలాగే రియాద్ నుంచి సాయంత్రం 4 గంటలకు బయలుదేరి రాత్రి 11 గంటలకు శంషాబాద్ చేరుకుంటుంది.
ఇవాళ్టి నుంచి టికెట్స్ బుక్ చేసుకోవచ్చు. ఈ మేరకు అధికారిక ప్రకటన వెలువడింది. ఇది ఇలా ఉండగా, ఇవాళ ఉదయం నుంచే శంషాబాద్ ఎయిర్పోర్టులో భారీగా పొగ మంచు చోటు చేసుకుంది. పొగ మంచు కారణంగా పలు విమానాలు ఆలస్యం అవుతున్నాయి. విమానాల ఆలస్యంపై ప్రయాణికులు ఆందోళన చెందుతున్నారు.
