శబరిమలలో హైదరాబాద్‌ స్వాముల బస్సు బోల్తా….!

కేరళలోని శబరిమలలో విషాదం చోటు చేసుకుంది. శబరిమలకు వెళ్లిన అయ్యప్ప స్వాముల బస్సు బోల్తా పడింది. ఈ సంఘటన ఇవాళ వెలుగులోకి వచ్చింది. ఈ సంఘటన వివరాలు ఇలా ఉన్నాయి. హైదరాబాద్ పాత బస్తీ మదన్నపేట ఉప్పర్ గూడాకు చెందిన స్వాములు ప్రయాణిస్తున్న బస్సు పంపా నదికి 15 కి.మీ దూరంలోని ఘాట్ రోడ్డులో బోల్తా పడింది.

ఈ ప్రమాదంలో డ్రైవర్ రాజు మృతి చెందగా.. 22 మంది అయ్యప్పస్వాములకు గాయాలు అయ్యాయి. కొట్టాయం నుంచి శబరిమల వెళ్తుండగా కనమల అట్టివలం వద్ద ఈ ప్రమాదం జరిగింది. క్షతగాత్రులను ఆసుపత్రికి తరలించి చికిత్స అందిస్తున్నారు. ఈ సంఘటన పై ఇంకా వివరాలు తెలియాల్సి ఉంది.