BREAKING : వచ్చే నెల 1న మహారాష్ట్రకు సీఎం కేసీఆర్ వెళ్లనున్నారు. ఈ సందర్భంగా మహారాష్ట్రలోని సాంగ్లీ జిల్లా వాటేగావులో తుకారం బావురావ్ సాటే జయంతి వేడుకల్లో సీఎం కేసీఆర్ పాల్గొననున్నారు. అనంతరం జిల్లాలోని పార్టీ ప్రముఖులతో సమావేశం అవుతారు.
కొల్హాపూర్ లోని మహాలక్ష్మి ఆలయాన్ని సందర్శించి, ప్రత్యేక పూజలు నిర్వహిస్తారు. మహారాష్ట్ర యుగ కవిగా, దళిత సాహిత్య చరిత్రలో అధ్యుడిగా బావురావ్ కు పేరు ఉంది. అంబేద్కర్ భావజాలాన్ని ప్రజల్లోకి తీసుకెళ్లేందుకు కృషి చేశారు. కాగా, గత పది రోజుల కిందటే.. మహారాష్ట్రకు సీఎం కేసీఆర్ వెళ్లిన సంగతి తెలిసిందే. ఈ సందర్భంగా పండరీ పూర్ మరియు తుల్జా భవానీ దేవాలయాలను దర్శించుకున్నారు సీఎం కేసీఆర్.
