భద్రాద్రి కొత్తగూడెం జిల్లాలోని భద్రాచలం శ్రీ సీతారామచంద్ర స్వామి వారిని కాంగ్రెస్ పార్టీ సీనియర్ నేత వి. హనుమంతరావు దర్శించుకున్నారు. ఈ సందర్భంగా ఆయన మాట్లాడుతూ.. తెలంగాణ రాష్ట్రంలో కాంగ్రెస్ పార్టీ అధికారంలో ఉందనే వివక్షతోనే భద్రాచలం సీతారామ చంద్రస్వామి దేవస్థానంకు అయోధ్య నుంచి ఆహ్వానం అందలేదని సంచలన వ్యాఖ్యలు చేశారు. దేవుడి దగ్గర రాజకీయాలు తగ్గదని దేవుడు ముందు అందరూ సమానమేనని ఈ సందర్భంగా తెలియజేశారు.
అయోధ్య తరువాత అంతటి చరిత్ర కలిగినటువంటి ఏకైక దేవస్థానం భద్రాచలం శ్రీ సీతారామచంద్ర స్వామి వారి దేవస్థానం అని కాంగ్రెస్ సీనియర్ నేత వి.హనుమంతురావు అన్నారు. దక్షిణ భారతదేశ అయోధ్యగా పిలువబడుతున్న ఈ దేవస్థానం కి ఆహ్వానం రాకపోవడం చాలా విచారకరమని ఈ సందర్భంగా ఆయన పేర్కొన్నారు. బీజేపీ పార్టీ ఇలాంటి నీచమైన ఆలోచన చేయడం సిగ్గు చేటు అని విమర్శించారు. భద్రాచల రామాలయానికి ఆహ్వానం పంపించకపోవడంతో తెలంగాణను అవమానించడమేనని వీ.హెచ్. ఆగ్రహం వ్యక్తం చేశారు.
