రాష్ట్రంలో అన్నీ పార్టీలు ఏకం కావాల్సిన అవసరం ఉందన్నారు కాంగ్రెస్ సీనియర్ నేత వి.హనుమంతరావు. వచ్చే ఎన్నికలలో ఎన్డీఏ ప్రభుత్వాన్ని దించాలని పిలుపునిచ్చారు. తెలంగాణలో కాంగ్రెస్ వెవ్ స్టార్ట్ అయ్యిందన్నారు. ఎవరు పార్టీలోకి వచ్చినా.. కాంగ్రెస్ సిద్ధాంతం నమ్మి రావాలన్నారు. వైయస్సార్ తెలంగాణ పార్టీ అధ్యక్షురాలు వైఎస్ షర్మిల కాంగ్రెస్ లోకి వస్తుందా..? లేదా..? అనేది తెలియదన్నారు. ఆమె ఎందుకు వస్తుందో తెలియదన్నారు.
షర్మిల ఆంధ్ర ప్రదేశ్ కాంగ్రెస్ పార్టీలోకి వెళితేనే ఎక్కువగా లాభం ఉంటుందని సూచించారు. ఆమెతో ఏం మాట్లాడుతున్నారో..? ఎవరు మాట్లాడుతున్నారో..? తనకి తెలియదన్నారు. ఇక జానారెడ్డి, జగ్గారెడ్డి బిఆర్ఎస్ లోకి ఎందుకు వెళతారని ప్రశ్నించారు. దేశవ్యాప్తంగా రాహుల్ గాంధీ హవా నడుస్తుంటే వాళ్ళు బయటకు ఎందుకు పోతారని అన్నారు. వచ్చే ఎన్నికలలో కాంగ్రెస్ పార్టీ తెలంగాణలో అధికారాన్ని ఏర్పాటు చేస్తుందని ధీమా వ్యక్తం చేశారు.
