నిజామాబాద్ జిల్లాలో ఘోర రోడ్డు ప్రమాదం సంభవించింది. ప్రమాదానికి అతివేగమే కారణమని తెలుస్తోంది.ఇదే విషయాన్ని పోలీసులు సైతం ధృవీకరించారు. బుధవారం ఉదయం నిజామాబాద్ జిల్లా శ్రీనగర్‌లో ఆగి ఉన్న లారీని వేగంగా దూసుకొచ్చిన కారు ఢీకొట్టింది. ఈ ప్రమాదంలో కారులో ప్రయాణిస్తున్న ఇద్దరు అక్కడికక్కడే ప్రాణాలు కోల్పోగా.. మరొకరికి తీవ్రగాయాలు అయ్యాయని సమాచారం.
మృతులు మక్లూరు మండలం చిక్లీకి చెందినగా వారిగా తెలుస్తోంది. ఈ ప్రమాదంలో కారు పూర్తిగా ధ్వంసమైంది. అయితే, ప్రమాదానికి అతివేగమే కారణమని పోలీసులు నిర్దారించారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు. మృతుల డెడ్ బాడీలను పోస్టు మార్టం కోసం స్థానిక ప్రభుత్వ ఆస్పత్రికి తరలించగా.. తీవ్రగాయాలపాలైన మరొకరికి ఆస్పత్రిలో చికిత్స అందిస్తుండగా పరిస్థితి విషమంగా ఉన్నట్లు తెలుస్తోంది.
