BREAKING : తెలంగాణలో రేపు కూడా విద్యాసంస్థలకు సెలవు ఉండనున్నట్లు సమాచారం అందుతోంది. విద్యాసంస్థలకు ప్రకటించిన సెలవులు నేటితో ముగియనున్నాయి. రేపటి నుంచి స్కూళ్లు, కాలేజీలు పునః ప్రారంభం కానున్నాయి. అయితే సోమవారం పలు జిల్లాల్లో భారీ వర్షాలు కురిసే అవకాశం ఉందని తెలిపింది. మరోవైపు వేలాది స్కూళ్లలో బురద పోలేదు.
దీంతో రేపు సెలవు ఇవ్వాలని కొందరు డిమాండ్ చేస్తున్నారు. సోమవారం సెలవుపై ఈ మధ్యాహ్నం ప్రకటన వచ్చే అవకాశాలు ఉన్నాయని తెలుస్తోంది. కాగా, వారం రోజులుగా కురుస్తున్న వర్షాలకు హైదరాబాదులో వాతావరణం చల్లబడింది. ప్రస్తుతం వర్షాలు తగ్గుముఖం పట్టగా… రానున్న రెండు రోజుల్లో హైదరాబాదులో పగటి ఉష్ణోగ్రతలు పెరగనున్నట్లు వాతావరణ శాఖ వెల్లడించింది. రాబోయే రెండు రోజుల్లో పగటి ఉష్ణోగ్రతలు గరిష్టంగా 30 డిగ్రీల సెల్సియస్…కనిష్టంగా 23 డిగ్రీల సెల్సియస్ నమోదయ్యే ఛాన్స్ ఉందని తెలిపింది. మరోవైపు అక్కడక్కడ చిరుజల్లులు కురిసే అవకాశం ఉందని ఐఎండి పేర్కొంది.
