వరంగల్ లో చిన్నారితో మోదీ ముచ్చట్లు.. ఫొటో వైరల్

ప్రధాని నరేంద్ర మోదీ బుధవారం రోజున రాష్ట్రంలో పర్యటించిన విషయం తెలిసిందే. మొదట వేములవాడ రాజరాజేశ్వర స్వామిని దర్శించుకున్న మోదీ అనంతరం వేములవాడ పట్టణంలో నిర్వహించిన బహిరంగ సభలో పాల్గొన్నారు. అనంతరం వరంగల్లో పర్యటించి అక్కడ బీజేపీ సభలో ప్రసంగించారు. ఈ విషయాలను మోదీ తన సోషల్ మీడియా ఖాతా ఎక్స్లో షేర్ చేశారు.

ఈ పర్యటనలో ఎన్నికలకు సంబంధించిన పోస్టులే కాకుండా ఓ క్యూట్ పోస్టు కూడా షేర్ చేశారు ప్రధాని. ఈ పర్యటనలో ఓ చిన్నారిని మోదీ ముద్దాడిన సన్నివేశం ఇప్పుడు సోషల్ మీడియాలో వైరల్ అవుతోంది. ఎంపీ అభ్యర్థి ఆరూరి రమేష్ ప్రచారంలో భాగంగా వరంగల్ జిల్లా తిమ్మాపూర్ లోని లక్ష్మీపురం ఓరుగల్లు జనసభలో ఆయన పాల్గొన్నారు. తిరిగి వెళుతున్న క్రమంలో లక్ష్మీపురం వద్ద ఓ చిన్నారిని ఎత్తుకొని లాలించిన ఫోటోలు సామాజిక మాధ్యమాలలో వైరల్ గా మారాయి. ఈ ఫొటోను పోస్టు చేసిన మోదీ.. ప్రచారానికి వెళ్తుండగా నా క్యూట్ ఫ్రెండ్ను కలిసి ముచ్చటించానంటూ క్యాప్షన్ ఇచ్చారు.