BREAKING : కొత్త పార్టీ పెట్టే ఆలోచనలో మాజీ ఎంపీ పొంగులేటి శ్రీనివాసరెడ్డి ఉన్నట్లు సమాచారం అందుతోంది. ఈ మధ్య కాలంలోనే.. బీఆర్ఎస్ పార్టీకి గుడ్‌ బై చెప్పిన మాజీ ఎంపీ పొంగులేటి శ్రీనివాసరెడ్డి.. తనతో వచ్చే నాయకులను కలుపుకుని ముందుకు వెళుతున్నారు.
ఈ తరుణంలోనే ఇవాళ మాజీ ఎంపీ పొంగులేటి శ్రీనివాసరెడ్డి నివాసంలో నల్గొండ జిల్లాకు చెందిన చకిలం అనిల్ కుమార్ , ఆయన అనుచరులతో భేటీ అయ్యారు. ఇటీవలే అధికార బీఆర్ఎస్ పార్టీ కి రాజీనామా చేసిన అనిల్ కుమార్ పొంగులేటి బాటలో పయనిచేందుకు సిద్ధం అయ్యారు. ఈ తరుణంలోనే పొంగులేటి కొత్త పార్టీ పెట్టే ఆలోచనలో ఉన్నారని అని ఊహాగానాలు వస్తున్నాయి. దశల వారీగా పలు జిల్లాల నేతలతో పొంగులేటి సమావేశాలు నిర్వహించిన అనంతరం ఆయన తుది నిర్ణయం వెల్లడించే అవకాశం ఉన్నట్లు సమాచారం అందుతోంది.
