తెలంగాణలో ఉగ్రవాదుల తాకిడి ఈ మధ్య కాలంలో కనిపించలేదు. 2013లో కాంగ్రెస్ ప్రభుత్వ హయాంలో దిల్ సుఖ్ నగర్ లో ఉగ్రవాదులు రెండు చోట్ల బాంబు పేల్చారు. అప్పటికీ తెలంగాణ రాలేదు. తెలంగాణ రాష్ట్రం ఆవిర్భవించిన తరువాత ఉగ్రవాదుల ఊసే లేదు. తెలంగాణలోకి ఉగ్రవాదులు ప్రవేశించాలని చూస్తే.. వారిని పోలీసులు అరెస్ట్ చేసే వారు. కానీ తాజాగా తెలంగాణ రాజధాని హైదరాబాద్ లో కాకుండా వరంగల్ లో ఉగ్రవాదుల కలకలం సృష్టించారు.
వరంగల్‌లో జక్రియా అనే వ్యక్తికి పాకిస్థాన్‌ టెర్రరిస్టులతో సంబంధాలు ఉన్నట్లు గుర్తించారు. జక్రియాను చెన్నై ఎయిర్‌ పోర్ట్‌లో అదుపులోకి తీసుకున్నారు పోలీసులు. గత కొంత కాలంగా వరంగల్ శివనగర్‌ అండర్‌ బ్రిడ్జి వద్ద బిర్యానీ సెంటర్‌ నడుపుతున్న జక్రియా కొన్నేళ్లుగా పాక్‌ ఉగ్రవాదులతో జక్రియా సంబంధాలు కొనసాగిస్తున్నట్టు గుర్తించాయి నిఘా వర్గాలు. దీంతో అదుపులోకి తీసుకొని విచారిస్తున్నారు పోలీసులు.
