రాష్ట్రవ్యాప్తంగా జాతీయ సమైక్యత వేడుకలను టిఆర్ఎస్ నేతలు ఘనంగా నిర్వహిస్తున్నారు. అన్ని నియోజకవర్గాలలో మంత్రులు, ఏంపీలు, ఎమ్మెల్యేలు, అధికారులు, విద్యార్థులు ఈ ర్యాలీలలో పాల్గొంటున్నారు. జీడిమెట్లలోని కుత్బుల్లాపూర్ జిహెచ్ఎంసి పరిధిలోని మునిసిపల్ గ్రౌండ్లో ఏర్పాటు చేసిన తెలంగాణ జాతీయ సమైక్యత వజ్రోత్సవాల సభకి ఉదయం 9 గంటలకి జాతీయ సమైక్యత ర్యాలీని ప్రారంభించారు. ఎమ్మెల్యే, ఎమ్మెల్సీ ఆధ్వర్యంలో వేలాదిమందిి నాయకులు, కార్యకర్తలు ర్యాలీలో పాల్గొన్నారు.
అనంతరం మున్సిపాలిటీ గ్రౌండ్లో ఏర్పాటు చేసిన సభలో సాంస్కృతిక కార్యక్రమాలతో అలరిస్తున్నారు. ఈ సభలో ఇండియన్ ఐడల్ శ్రీరామ్ మాయదారి మైసమ్మ పాటకి స్టేజిపై స్టెప్పులేశారు ఎమ్మెల్సీ శంబిపూర్ రాజు, ఎమ్మెల్యే వివేకానంద, మరియు కార్పొరేటర్లు. నాయకులు స్టెప్పులు వేయడంతో స్టేజి వద్ద కార్యకర్తలలో ఉత్సాహం నెలకొంది.
