తెలంగాణలో సంచలనం సృష్టించిన మహిళా అఘోరి ప్రస్తుతం ఏపీ విస్తృతంగా పర్యటనలు చేస్తోంది.ఈ క్రమంలోనే ఆదివారం ప్రముఖ పుణ్యక్షేత్రమైన శ్రీ శైలంలో ప్రత్యక్షమైంది. కార్తీక మాసంలో ప్రముఖ శైవ క్షేత్రాలను ఆమె వరుసగా సందర్శిస్తోంది. తాజాగా శ్రీశైలం మల్లిఖార్జున స్వామిని మహిళా అఘోరీని దర్శించుకున్నారు. అంతకుముందు అఘోరీ దిగంబరంగా స్వామివారిని దర్శించుకునేందుకు ప్రయత్నించగా.. ఆలయ అధికారులు అడ్డుకున్నారు.
వస్త్రధారణ లేకుండా స్వామివారి దర్శనానికి అనుమతించబోమని చెప్పడంతో అఘోరీని సెక్యూరిటీ సిబ్బంది,పోలీసులు అడ్డుకున్నారు. దీంతో వస్త్రధారణ చేసుకుని స్వామి, అమ్మవార్ల దర్శనానికి అఘోరీ ఆలయంలోకి వెళ్ళారు. ఆలయానికి చేరుకున్న అఘోరీని భక్తులు ఆసక్తిగా గమనించారు. కొందరు ఆమె ఆశీర్వాదం కోసం ప్రయత్నించినట్లు సమాచారం. మహిళా పోలీసులు, ఆలయ సిబ్బంది ఆమెకు దగ్గరుండి స్వామివారి దర్శనం కల్పించి పంపించారు.
