భారతదేశంలో పసుపును చాలా శతాబ్దాల నుండి ఉపయోగిస్తున్నారు. పసుపులో చాలా ఔషధ గుణాలు ఉంటాయి. పసుపును ఆహారంలో, కాస్మెటిక్ గా, ఏదైనా దెబ్బలు తగిలినప్పుడు దాని పై రాయడానికి మెడిసన్ గా ఉపయోగిస్తారు. పసుపులో యాంటీ ఆక్సిడెంట్స్ మరియు యాంటీ బ్యాక్టీరియల్ ప్రాపర్టీస్ సమృద్ధిగా ఉంటాయి. పసుపును నీటిలో కలుపుకుని తాగడం వల్ల ఆరోగ్యానికి కొన్ని ప్రయోజనాలు కూడా ఉన్నాయి. వాటి కోసం ఇప్పుడే పూర్తిగా చూసేద్దాం.
క్యాన్సర్ వంటి వ్యాధుల్ని తగ్గిస్తుంది:
పసుపులో యాంటి ట్యూమర్ ప్రాపర్టీస్ ఉంటాయి. పసుపును నీటిలో కలుపుకుని తాగడం వల్ల క్యాన్సర్ సమస్య తగ్గే అవకాశాలు ఎక్కువగా ఉంటాయి. దాంతో పాటుగా కొలెస్టరాల్ శాతాన్ని తగ్గిస్తుంది. కొలెస్ట్రాల్ లెవెల్స్ తగ్గితే గుండెకు సంబంధించిన జబ్బులు దరిచేరకుండా ఉంటాయి.
అంతే కాదు ముఖ్యంగా పసుపును తీసుకోవడం వల్ల ఇమ్యూనిటీ సిస్టం చాలా బలపడుతుంది. ఈ విధంగా పసుపు వల్ల చిన్న సమస్య నుండి చాలా పెద్ద వ్యాధులు కూడా మనం కాపాడుకోవచ్చు.
బరువు తగ్గచ్చు:
పసుపు కలిపిన నీటిని తాగడం వల్ల కొవ్వును తగ్గించుకోవచ్చు. అంతేకాదు పసుపును తీసుకోవడం వల్ల జీర్ణ ప్రక్రియకు కూడా ఉపయోగపడుతుంది. వీటన్నిటితోపాటు మెటబాలిజంను పెంచుకోవడానికి కూడా పసుపును ఉపయోగించవచ్చు. దాంతో బరువు తగ్గే అవకాశాలు ఎక్కువగా ఉంటాయి.
చర్మ సౌందర్యం :
చర్మం యవ్వనంగా కనిపించేలా ఉండేందుకు పసుపు చాలా మేలు చేస్తుంది. పసుపు లో ఎక్కువగా యాంటీ ఆక్సిడెంట్స్ ఉండడం వల్ల చర్మానికి చాలా ఉపయోగాలు ఉంటాయి. తరచుగా పసుపు నీటిని తాగడం వల్ల చర్మం ఎంతో యవ్వనంగా మరియు సౌందర్యంగా కనిపిస్తుంది.
టాక్సిన్స్ ని తొలగిస్తుంది :
ప్రతిరోజు ఎన్నో కారణాల వల్ల టాక్సిక్ వేస్ట్ అనేది శరీరంలో పేరుకుపోతుంది. అది తొలగకపోతే చాలా సమస్యలు వస్తాయి. వాటిని తొలగించాలంటే ఒక గ్లాసు పసుపు నీటిని తాగితే చాలు.
పసుపు నీటిని ఎలా తయారు చేసుకోవాలి…?
ఒక కప్పు నీరు మరిగించి, దానిలో చిటికెడు పసుపు వెయ్యాలి. తర్వాత 1-2 నిమిషాలు మరిగించి ఈ నీటిని వాడకట్టేయాలి. రుచి కొరకు కొంచెం తేనెను కలుపుకోవచ్చు అంతే.
