తెలంగాణ రాష్ట్ర వ్యాప్తంగా కరోనా కేసుల సంఖ్య క్ర‌మంగా త‌గ్గుతుంది. ప్ర‌తి రోజు కూడా కింటి రోజు కన్న త‌క్కువ సంఖ్య‌లో కరోనా పాజిటివ్ కేసులు న‌మోదు అవుతున్నాయి. కాగ ఈ రోజు కరోనా వైరస్ బులిటెన్ ను తెలంగాణ రాష్ట్ర వైద్య ఆరోగ్య శాఖ అధికారులు కాసేప‌టి క్రితం విడుద‌ల చేశారు. ఈ కరోనా బులిటెన్ ప్ర‌కారం.. తెలంగాణ రాష్ట్ర వ్యాప్తంగా గ‌డిచిన 24 గంటల్లో 17,806 కరోనా వైరస్ నిర్ధార‌ణ ప‌రీక్షలు నిర్వ‌హించారు.
ఈ ప‌రీక్షల‌లో రాష్ట్ర 30 మందికి కరోనా వైరస్ పాజిటివ్ గా నిర్ధార‌ణ అయింది. అలాగే మ‌రో 827 కరోనా నిర్ధార‌ణ ప‌రీక్షల ఫ‌లితాలు రావాల్సింది. కాగ ఈ రోజు కూడా తెలంగాణ రాష్ట్రంలో కరోనా మ‌ర‌ణాలు వెలుగు చూడ‌లేదు. అలాగే ఈ రోజు తెలంగాణ రాష్ట్ర వ్యాప్తంగా 52 మంది కరోనా వైరస్ నుంచి పూర్తిగా కోలుకున్నారు. దీంతో తెలంగాణ రాష్ట్రలో 500 లోపే యాక్టివ్ కేసులు ఉన్నాయి. ప్ర‌స్తుతం రాష్ట్రంలో 492 కరోనా వైరస్ యాక్టివ్ కేసులు మాత్ర‌మే ఉన్నాయి.
