టీపీసీసీ చీఫ్ మహేశ్ కుమార్ గౌడ్ తెలంగాణ వ్యాప్తంగా జిల్లాల్లో పర్యటన చేసేందుకు సిద్ధమయ్యారు. అందుకు సంబంధించి పర్యటన తేదీని ప్రకటించారు. ఈనెల 16వ తేదీ నుంచి రాష్ట్ర వ్యాప్తంగా జిల్లాల్లో పర్యటించనున్నట్లు టీపీసీసీ చీఫ్ తెలిపారు. పార్లమెంట్ నియోజకవర్గాల వారీగా పర్యటన ఉంటుందని వివరించారు. తొలి పర్యటన కరీంనగర్ ఎంపీ నియోజకవర్గం నుంచి మొదలు పెట్టనున్నట్లు పేర్కొన్నారు.
18న మెదక్ ఎంపీ సెగ్మెంట్‌లో పర్యటన ఉంటుందని, ఈ షెడ్యూల్ పర్యటనను త్వరలో రిలీజ్ చేస్తామన్నారు. గురువారం భారత తొలి ప్రధాని జవహర్ లాల్ నెహ్రూ జయంతి సందర్భంగా అబిడ్స్ సర్కిల్ వద్ద నెహ్రూ విగ్రహానికి మాజీ ఎంపీ వీహెచ్, ఇతర నేతలతో కలిసి మహేశ్ కుమార్ గౌడ్ నివాళి అర్పించారు.అనంతరం గాంధీ భవన్‌లో పీసీసీ చీఫ్ మాట్లాడుతూ..లగచర్ల ఘటన వెనుక కుట్ర కోణం ఉందని, కేటీఆర్ హస్తం ఉందని టీపీసీసీ చీఫ్ ఆరోపించారు.
