అవికాఘోర్ హీరోయిన్గా.. రాజ్ తరుణ్ హీరోగా తెరకెక్కిన చిత్రం ఉయ్యాల జంపాల. మొదటి సినిమాతో భారీగా పాపులారిటీ సొంతం చేసుకున్నారు వీరు ఇరువురు… అంతేకాదు ఈ సినిమాలో నటించిన పునర్నవి కూడా మరింత ఇమేజ్ సొంతం చేసుకుంది. ప్రముఖ సింగర్ రాహుల్ సిప్లిగంజ్ మాజీ లవర్ అయిన ఈమె తాజాగా అనారోగ్య భారిన పడ్డట్టు తెలుస్తోంది. పునర్నవి భూపాలం గురించి ప్రత్యేకంగా చెప్పాల్సిన పనిలేదు.. చేసింది తక్కువ సినిమాలో అయినా సోషల్ మీడియాలో చెప్పుకోదగ్గ స్థాయిలో అభిమానులను సొంతం చేసుకుంది. ఉయ్యాల జంపాల సినిమాలో సునీత పాత్ర తర్వాత మళ్లీ మళ్లీ ఇది రాని రోజు సినిమాలో పార్వతీ పాత్రలో నటించి ప్రేక్షకులను ఆకట్టుకున్న ఈమె పిట్టగోడ సినిమాలో హీరోయిన్ గా నటించి ఈ సినిమాతో మరింత పేరు సంపాదించుకుంది.
సినిమాల కంటే బిగ్ బాస్ షో ద్వారానే మంచి పేరు తెచ్చుకున్న పునర్నవి తాజాగా తన అనారోగ్య సమస్యల గురించి వెల్లడించింది. బిగ్ బాస్ సీజన్ 3 షో ద్వారా పాపులర్ అయిన పునర్నవి పలు సందర్భాలలో బోల్డ్ గా కామెంట్లు చేయడం ద్వారా వార్తల్లో నిలిచింది. ప్రస్తుతం లండన్ లోని సైకాలజీలో హయ్యర్ స్టడీస్ చేస్తున్న పునర్నవి సోషల్ మీడియాలో మాత్రం యాక్టివ్ గా ఉంటున్నారు. అయితే గత కొద్ది రోజుల క్రితం ఆమె అనారోగ్య బారిన పడినట్లు అభిమానులతో ఆమె స్వయంగా పంచుకున్నారు.
ప్రస్తుతం తాను ఊపిరితిత్తులకు సంబంధించిన సమస్యతో బాధపడుతున్నానని ఆమె షాకింగ్ కామెంట్లు చేశారు. అనారోగ్య సమస్యతో నా కొత్త సంవత్సరం ప్రారంభమైంది అని ఆమె చెప్పుకొచ్చారు. ఇటీవల కాలంలో అనారోగ్యం బారిన పడటం అనేది ఇదే తొలిసారి అని.. ఇదే చివరిసారి కూడా కావాలి అని కోరుకుంటున్నాను అని పునర్నవి తెలిపింది. అయితే ఆమె త్వరగా ఆరోగ్య సమస్య నుంచి కోలుకొని మళ్ళీ సినిమాలలో ఆఫర్లతో బిజీ కావాలని అభిమానులు కోరుకుంటున్నారు.
