కన్నడ పవర్ స్టార్ పునీత్ రాజ్ కుమార్ చనిపోవడాన్ని ఇప్పటికీ జీర్ణించుకోలేకపోతున్నారు కన్నడ ప్రజలు. తాము ఎంతగానో ఆరాధించే తన హీరో చిన్న వయసులోనే మరణించాడన్న నిజాన్ని నమ్మలేకపోతున్నారు. తన నటనతో పాటు పలు సేవా కార్యక్రమాలను నిర్వహించి ఎంత మందినో ఆదుకున్నారు పునీత్ రాజ్ కుమార్. తను మరణించి నెలలు గడుస్తున్నా.. తన సినిమాల్లో పునీత్ ను చూసుకుంటున్నారు ఆయన ఫ్యాన్స్. 
ఇదిలా ఉంటే ఇప్పుడో ఓ విషయంలో నెటిజెన్లు తమిళ స్టార్ హీరోపై ఫైర్ అవుతున్నారు నెటిజెన్లు. కన్నడ పవర్ స్టార్ పునీత్ రాజ్ కుమార్ సమాధి వద్ద తమిళ స్టార్ హీరో విజయ్ శ్రద్ధాంజలి ఘటించారు. దీనిపై నెటిజెన్లు ఆగ్రహం వ్యక్తం చేస్తున్నారు. పునీత్ చనిపోయి నాలుగు నెలల తర్వాత విజయ్ కి సమయం దొరికిందా..? అంటూ కన్నడ మీడియాతో పాటు… నెటిజెన్లు ప్రశ్నిస్తున్నారు. ఏదో పని మీద బెంగళూర్ వచ్చిన విజయ్ పనిలోపనిగా పునీత్ సమాధి వద్దకు వెళ్లారని కామెంట్లు చేస్తున్నారు.
