ఈరోజు తెలుగు ప్రజలకు గొప్ప పండుగ. అసలు ఉగాది అంటేనే కొత్త ఆశలు, సరికొత్త ఆరంభాలు.ఈ ఏడాది పరాభవ నామ సంవత్సరం జరుపుకోనున్నాం అయితే, తెలుగు సంవత్సరాల పేర్లలో ‘పరాభవ’ అనే పేరు రాగానే చాలామంది కంగారుపడుతుంటారు. పరాభవం అంటే అవమానం కదా, ఇక మన పనైపోయిందని ఫిక్స్ అయిపోతారు. కానీ, పురాణాలు మరియు పండితుల లెక్క ప్రకారం ఈ పేరు వెనుక ఒక బ్యూటిఫుల్ అండ్ పాజిటివ్ మీనింగ్ ఉంది. భయం వదిలేసి, ఆ అసలు అర్థమేంటో తెలుసుకుంటే మీరు సర్ప్రైజ్ అవుతారు..మరి ఆ విశేషాలు చూద్దాం..
నారదుడి పిల్లలే ఈ సంవత్సరాలా?: తెలుగు సంవత్సరాలు 60 ఎలా వచ్చాయనే దానిపై ఒక ఇంట్రెస్టింగ్ స్టోరీ ఉంది. నారద మహర్షి ఒకసారి విష్ణుమాయ వల్ల స్త్రీగా మారి, ఒక రాజును వివాహం చేసుకుని 60 మంది పిల్లలకు జన్మనిస్తారట. ఆ తర్వాత జరిగిన యుద్ధంలో వారంతా మరణిస్తారు. తన పిల్లల పేర్లు చిరస్థాయిగా నిలిచిపోవాలని నారదుడు కోరగా, విష్ణువు ఆ 60 మంది పేర్లనే కాలచక్రంలోని సంవత్సరాలకు పెట్టారని పురాణ గాథ చెబుతోంది.
పరాభవ అంటే నెగెటివ్ కాదు: సాధారణంగా ‘పరాభవ’ అంటే ఓటమి లేదా ఇన్సల్ట్ అని మనం అనుకుంటాం. కానీ ఆధ్యాత్మికంగా దీనికి లోతైన మీనింగ్ ఉంది. మనలోని కామ, క్రోధ, లోభ వంటి చెడు క్వాలిటీస్ ను ఓడించి (పరాభవం చేసి), ధర్మబద్ధంగా ఉండటమే ఈ సంవత్సర లక్ష్యం. అంటే ఇది మనలోని చెడుపై మనం సాధించే విజయం అన్నమాట.
అమ్మవారి ఆశీస్సులు: మరో కోణంలో చూస్తే.. ‘పరా’ అంటే పరాశక్తి (అమ్మవారు), ‘భవ’ అంటే ఉండటం లేదా ఆవిర్భవించడం. అంటే అమ్మవారి సాన్నిధ్యంలో ఉండటం లేదా అర్ధనారీశ్వర తత్వాన్ని స్మరించుకోవడం అని అర్థం. ఈ ఏడాది భక్తితో కష్టపడే వారికి అమ్మవారి బ్లెస్సింగ్స్ పుష్కలంగా ఉంటాయని పండితులు చెబుతున్నారు.
పేరు ఏదైనా, మన ఆలోచన పాజిటివ్గా ఉంటే రిజల్ట్ కూడా అలాగే ఉంటుంది. ‘పరాభవ’ అంటే భయపడాల్సిన పనిలేదు, ఇది మనల్ని మనం ఉద్ధరించుకునే మంచి అవకాశాలు. ఈ ఉగాది నుంచి మీలోని నెగెటివిటీని పారద్రోలి, సక్సెస్ వైపు అడుగులు వేయండి ఇక ఉగాది శుభాకాంక్షలు.
గమనిక: ఈ సమాచారం పురాణ గాథలు మరియు పండితుల విశ్లేషణ ఆధారంగా అందించబడింది. కాలం ఎప్పుడూ ఒకేలా ఉండదు, మన కృషే మనల్ని కాపాడుతుంది.
