భర్తను అడ్డుకున్నదని మహిళను జీపుపైన కట్టేసి.. వీడియో

భార్యకు భర్తే సర్వస్వం. తన భర్తకు ఏదైనా జరిగితే తన ప్రాణాన్ని పణంగా పెడుతుంది. తన ప్రాణాన్ని సైతం లెక్క చేయదు. పంజాబ్‌లోని అమృత్‌సర్‌లో ఓ భార్య తన భర్తను పోలీసుల నుంచి కాపాడబోయి తనే పోలీసుల చేతిలో చిత్రహింసలకు గురయింది. తన భర్తను స్టేషన్‌కు తీసుకెళ్లడానికి ప్రయత్నించిందన్న ఆరోపణలతో ఆ మహిళను పోలీస్ జీపుపైన కట్టేశారు పోలీసులు. అనంతరం ఆమెను ఊరంతా తిప్పారు. ఓ మలుపు వద్ద జీప్ టర్న్ అవుతుండగా ఆ మహిళ ప్రమాదవశాత్తు కింద పడిపోయింది. దీంతో ఆమె తలకు గాయమయింది. వెంటనే స్పందించిన స్థానికులు ఆ మహిళను ఆసుపత్రికి తరలించారు. ఆ మహిళను జీపుపైన కట్టేసి ఊరంతా తిప్పుతున్న వీడియో ప్రస్తుతం సోషల్ మీడియాలో వైరల్‌గా మారింది.