జ‌మ్మూ క‌శ్మీర్ లో ఈ రోజు ఉద‌యం ఎన్కౌంటర్ జ‌రిగింది. ఉగ్రవాదులు మ‌రియు జ‌వాన్ల‌కు మ‌ధ్య కాల్పులు జ‌రిగాయి. ఈ కాల్పుల్లో ఓ ఉగ్ర‌వాది హ‌త‌మ‌య్యాడు. షోపియాన్ లోని ర‌ఖామా ప్రాంతంలో ఈ ఎనౌకౌంట‌ర్ చోటు చేసుకున్న‌ట్టు స‌మాచారం. మొద‌ట జ‌వాన్ల‌ను చూసి ఉగ్రవాదులు కాల్పులు జ‌రిపారు. దాంతో వెంట‌నే అప్ర‌మ‌త్త‌మ‌యిన భ‌ద్ర‌తా దళాలు ఎదురు కాల్పులు చేయ‌డం మొద‌లు పెట్టాయి.
ఈ ఎన్కౌంటర్ లో గుర్తు తెలియ‌ని ఉగ్ర‌వాది హ‌తమైన‌ట్టు కాశ్మీర్ జోన్ పోలీసులు వెల్ల‌డించారు. ఇక ఇప్ప‌టికీ కూడా ఉగ్రవాదులు మ‌రియు భ‌ద్ర‌తాద‌ళాల మ‌ధ్య కాల్పులు జ‌రుగుతూనే ఉన్న‌ట్టు స‌మాచారం. ద‌ర్యాప్తు పూర్తి చేసిన అనంత‌రం ఉగ్ర‌వాది వివ‌రాల‌ను వెల్ల‌డిస్తామ‌ని పోలీసులు చెబుతున్నారు.
