ఉత్తరప్రదేశ్‌, జాన్‌పూర్‌లోని బీబీగంజ్‌ బజార్‌లో సుభాష్ యాదవ్ అనే వ్యక్తి తన స్నేహితులతో మాట్లాడుతుండగా ఎవరు ఎన్ని గుడ్లు తినగలరన్న చర్చ వచ్చింది. దీంతో ఒక్కొక్కరు ఒక్కో సమాధానం చెప్పారు. 50 గుడ్లు తిని బాటిల్ మద్యం తాగిన వారికి రూ. 2 వేలు బహుమానంగా ఇవ్వాలని నిర్ణయించారు. అయితే స్నేహితుల మధ్య సరదాగా మొదలైన ఈ పందెం ఓ వ్యక్తి మరణానికి కారణమైంది.
స్నేహితుల సవాలుకు సుభాష్ ముందుకొచ్చాడు. ఈ క్రమంలో 41 గుడ్లను అవలీలగా తినేశాడు. 42వ గుడ్డు తింటుండగా అస్వస్థతకు గురై కుప్పకూలాడు. వెంటనే అప్రమత్తమైన స్నేహితులు లక్నోలోని సంజయ్ గాంధీ ఆసుపత్రికి తరలించారు. అక్కడ చికిత్స పొందుతూ సుభాష్ యాదవ్ ప్రాణాలు కోల్పోయాడు.
