జమ్ముకశ్మీర్ ఎన్నికలు ప్రశాంతంగా ముగిసాయి. అయితే, శనివారం హర్యానా ఎన్నికలు సైతం ముగియడంతో రెండు రాష్ట్రాల్లో ఏ పార్టీ అధికారంలోకి రాబోతున్నదనే విషయాన్ని ఎగ్జిట్ పోల్స్ ముందస్తుగా అంచనా వేశాయి. హర్యానాలో కాంగ్రెస్ కూటమి వస్తుందని అంచనా వేయగా.. జమ్ముకాశ్మీర్‌లోనూ ఇండియా-ఎన్సీ కూటమి రాబోతున్నదని కొన్ని సర్వేలు వెల్లడించాయి.
ఇదిలాఉండగా, జమ్ముకాశ్మీర్‌లో బీజేపీ నేతృత్వంలోనే ప్రభుత్వం ఏర్పాటవుతుందని ఆ పార్టీ అధికార ప్రతినిధి ప్రదీప్ భండారి అన్నారు. ఎగ్జిట్ పోల్స్‌పై ఆయన స్పందిస్తూ ‘ఆర్టికల్ 370 రద్దు తర్వాత జరిగిన ఈ ఎన్నికలు చారిత్రాత్మకం. ప్రజాస్వామ్య విజయం. అక్కడి ప్రజలు నేషన్ ఫస్ట్, ప్రో ఇండియా డెవలప్ మెంట్ పార్టీలకే ఓటేశారని రిపోర్టులు అందినట్లు పేర్కొన్నారు. హరియాణాలోనూ బీజేపీ మూడోసారి అధికారంలోకి వస్తుందని ఆయన ధీమా వ్యక్తం చేశారు.
