హైదారాబాద్‌లోని పుప్పాలగూడలో భారీ అగ్నిప్రమాదం చోటుచేసుకుంది. గోల్డెన్ ఓరిఓలే అపార్ట్‌మెంట్‌లోని ఓ ప్లాట్లో అనుకోకుండా పెద్దఎత్తున మంటలు చెలరేగాయి. గ్యాస్ సిలిండర్ పేలడం వల్లే ఒక్కసారిగా మంటలు చెలరేగడంతో అపార్ట్మెంట్ వాసులు బయటకు పరుగులు తీసినట్లు సమాచారం. దీంతో ఐదుగురు కుటుంబసభ్యులు బయటకు పరుగులు తీసి ప్రాణాలను రక్షించుకున్నారు.
ఈ ప్రమాదంలో ప్లాట్ మొత్తం పూర్తిగా దగ్ధమయినట్లు తెలుస్తోంది. ఇంట్లో దాచుకున్న డబ్బులు, బట్టలు, విలువైన సామగ్రి దగ్ధం అవ్వగా.. రూ.50 లక్షల ఆస్తి నష్టం వాటిల్లినట్లు తెలుస్తోంది. నిబంధనలకు విరుద్ధంగా ప్లాట్ నిర్మాణమే ఈ ప్రమాదానికి కారణమని తెలుస్తోంది.బిల్డర్ తప్పిదమే అని బాధితులు ఆరోపిస్తున్నారు.ఫైర్ ఇంజిన్ వెళ్లేందుకు దారి లేక గంట పాటు ఫైర్ సిబ్బంది శ్రమించారు. సమయానికి ఫైర్ ఇంజిన్ వచ్చినా లోనికి పోవడానికి దారి లేక సిబ్బంది చేతులు ఎత్తేశారు.
మూడు ఫైర్ ఇంజిన్ల సహాయంతో చివరకు సిబ్బంది మంటలు ఆర్పివేశారు.దీంతో అపార్ట్మెంట్ నిర్వాహకులపై పోలీసులు సీరియస్ అయ్యారు.
