ఏపీ సీఎం చంద్రబాబు సోదరుడు రామ్మూర్తి నాయుడు అనారోగ్యంతో శనివారం కన్నుమూసిన విషయం తెలిసిందే. ఈ క్రమంలోనే ఆదివారం ఉదయం హైదరాబాద్ నుండి ప్రత్యేక విమానంలో ఆయన పార్థివదేహాన్ని తిరుపతి తీసుకొచ్చారు. విద్యాశాఖ మంత్రి నారా లోకేష్, నారా కుటుంబ సభ్యులు కూడా అదే విమానంలో రేణిగుంట విమానాశ్రయానికి చేరుకున్నారు.
రామ్మూర్తి నాయుడు అంత్యక్రియలు నేడు ఆయన స్వగ్రామం నారావారిపల్లెలో మధ్యాహ్నం 2 గంటల ప్రాంతాల్లో జరుగుతాయని సమాచారం. తమ్ముడి అంత్యక్రియల్లో చంద్రబాబు పాల్గొననున్నారు.రేణిగుంట విమానాశ్రయం నుంచి రోడ్డు మార్గంలో రామ్మూర్తి భౌతికకయాన్ని నారావారిపల్లెకు తరలించనున్నారు. అంత్యక్రియలకు నారా, నందమూరి కుటుంబసభ్యులు, టీడీపీ, జనసేన, బీజేపీ ప్రజాప్రతినిధులు, నేతలతో పాటు తెలంగాణ నుంచి కూడా పలువురు నాయకులు హాజరయ్యే అవకాశం ఉన్నట్లు తెలుస్తోంది.
