టీడీపీ నేత రంగబాబుపై దాడి కేసులో వల్లభనేని వంశీ ముఖ్య అనుచరులు అరెస్టు

గత వైఎస్సార్‌సీపీ ప్రభుత్వ హయాంలో టీడీపీ నేతల మీద జరిగిన దాడులపై పోలీసులు విచారణను వేగవంతం చేశారు. ప్రస్తుతం ఏపీలో కూటమి ప్రభుత్వం అధికారంలోకి రావడంతో అప్పట్లో తెలుగుదేశం పార్టీ నాయకులపై దాడులు చేసిన ఘటనలు.. ఆయా పోలీస్ స్టేషన్లలో నమోదైన ఫిర్యాదుల ఆధారంగా తాజాగా దర్యాప్తు చేస్తున్నారు. ఈ క్రమంలోనే గతంలో టీడీపీ నాయకుడు రంగబాబుపై దాడి కేసులో పలువురు వైసీపీ నాయకులను పోలీసులు మంగళవారం అరెస్ట్ చేశారు.

గతంలో పార్క్ ఎలైట్ హోటల్ వద్ద టీడీపీ నాయకుడిపై కారులో వచ్చిన కొందరు దుండగులు దాడికి పాల్పడ్డారు. దాడికి సంబంధించిన సూత్రధారులను వైసీపీ నాయకులుగా పోలీసులు గుర్తించారు.ఈ క్రమంలోనే నేటి ఉదయం వైసీపీ నాయకులను అదుపులోకి తీసుకుని కంకిపాడు పోలీస్ స్టేషన్‌కి తరలించారు. అదుపులోకి తీసుకున్న వాళ్లలో గన్నవరం మాజీ ఎమ్మెల్యే వల్లభనేని వంశీ ముఖ్య అనుచరులు ఉన్నట్లు తెలుస్తోంది.

టీడీపీ నాయకుడు రంగబాబుపై దాడి కేసులో వైసీపీ నాయకులు అరెస్ట్

గతంలో పార్క్ ఎలైట్ హోటల్ వద్ద టీడీపీ నాయకుడిపై దాడి చేసిన కొందరు వ్యక్తులు

దాడికి సంబంధించిన సూత్రధారులను వైసీపీ నాయకులుగా గుర్తించిన పోలీసులు

ఈ రోజు ఉదయం వైసీపీ నాయకులను అదుపులోకి తీసుకుని కంకిపాడు పోలీస్ స్టేషన్‌కి… pic.twitter.com/sH4RKdIRKt

— BIG TV Breaking News (@bigtvtelugu) November 19, 2024