నంద్యాల జిల్లాలోని శ్రీశైలం శ్రీ భ్రమరాంబ సమేత మల్లికార్జున స్వామి వారిని ప్రముఖ దర్శకుడు బోయపాటి శ్రీను దర్శించుకున్నారు. కార్తీకమాసం చివరి సోమవారం కావడంతో మల్లికార్జున స్వామిని దర్శించుకుని ప్రత్యేక పూజలు చేశారు. స్వామి, అమ్మవారి దర్శన కోసం వచ్చిన సినీ దర్శకుడు బోయపాటి శ్రీనుకు ఆలయ అర్చకులు దేవస్థానం పి.ఆర్.ఓ శ్రీనివాసరావు ప్రత్యేక దర్శన సదుపాయాన్ని కల్పించారు.
అనంతరం ఆలయ వెలుపల గల సాధువులకు సినీ దర్శకుడు బోయపాటి శ్రీను దానం చేసి తిరిగి హైదరాబాద్ బయలుదేరారు. ఇదిలాఉండగా,బోయపాటి శ్రీను ప్రస్తుతం నందమూరి బాలకృష్ణతో అఖండ -2 మూవీ ప్లాన్ చేసిన విషయం తెలిసిందే. రీసెంట్‌గా చిత్ర బృందం సినిమా పూజ పార్ట్‌ను పూర్తి చేసుకుంది. ప్రస్తుతం ప్రీ పొడక్షన్ పనులు జరుగుతున్నట్లు తెలుస్తోంది.కాగా, ఇప్పటికే బాలయ్య-బోయపాటి కాంబోలో హ్యట్రిక్ నమోదైంది.
