రేవంత్ కారణంగా తెలంగాణ తల్లి కన్నీరు పెడుతోంది అంటూ బీఆర్‌ఎస్‌ ఎమ్మెల్సీ కల్వకుంట్ల కవిత ఆవేదన వ్యక్తం చేశారు. తెలంగాణ తల్లి రూపురేఖల్ని మార్చి ముఖ్యమంత్రి రేవంత్ రెడ్డి ఆవిష్కరించడం దురదృష్టకరం అన్నారు. రేవంత్ రెడ్డి ప్రభుత్వ దుశ్చర్యకు తెలంగాణ తల్లి కన్నీళ్ళు పెడుతుందని ఆగ్రహించారు.
ఉద్యమ తల్లిని నేడు కాంగ్రెస్ తల్లిగా మార్చారని… రాజీవ్ గాంధీ విగ్రహాన్ని రహదారిలో ఏర్పాటు చేసి…. తెలంగాణ తల్లి అని చెబుతున్న విగ్రహాన్ని చెరసాలలో ఏర్పాటు చేస్తున్నారని పేర్కొన్నారు. కాంగ్రెస్ తల్లిని తిరస్కరిస్తున్నామని వివరించారు.
కోట్లాది మంది తెలంగాణ బిడ్డల్లో స్ఫూర్తి నింపింది తెలంగాణ తల్లి రూపురేఖల్ని మార్చడానికి తీవ్రంగా ఖండిస్తున్నామని… బతుకమ్మతో పువ్వులను పూజించే సంస్కృతి తెలంగాణలో తప్ప ప్రపంచంలో మరెక్కడా లేదని తెలిపారు. తెలంగాణ తల్లి నుంచి బతుకమ్మను దూరం చేశారు… బతుకమ్మను మాయం చేయడం దురదృష్టకరం అంటూ ఆగ్రహించారు. బతుకును ఆగం చేశారు.. బతుకమ్మను మాయం చేశారని ఫైర్ అయ్యారు.
