కుంభమేళా తొక్కిసలాటలో హృదయ విదారక దృశ్యాలు సోషల్ మీడియాలో వైరల్‌ అవుతున్నాయి. మౌని అమావాస్య సందర్భంగా పుణ్యస్నానాల కోసం పెద్దఎత్తున తరలివచ్చారు భక్తులు. భక్తుల తాకిడికి బారికేడ్లు విరిగి తొక్కిసలాట జరిగింది. ఈ ఘటనలో సుమారు 15 మంది మృతి చెందినట్టు ప్రాథమిక సమాచారం అందుతోంది. కుంభమేళాలో తొక్కిసలాట జరిగిన నేపథ్యంలో..పవిత్ర ‘అమృత్ స్నాన్’ రద్దు చేస్తూ కీలక నిర్ణయం తీసుకుంది ఉత్తర ప్రదేశ్‌ సర్కార్‌.
కుంభమేళా తొక్కిసలాటపై సీఎం యోగి ఆదిత్యనాథ్ భక్తులకు విజ్ఞప్తి చేశారు. గంగా ఘాట్ సమీపంలో స్నానాలు ఆచరించండని… త్రివేణి సంగమం వైపు వెళ్లడానికి ప్రయత్నించవద్దని కోరారు. అధికారుల సూచనలను అనుసరించాలని కోరారు సీఎం యోగి… తెల్లవారుజామున 2 గంటల సమయంలో తొక్కిసలాట జరిగినట్లు సమాచారం అందుతోంది. తొక్కిసలాట జరిగిన నేపథ్యంలో మొత్తం 13 అఖాడాల్లో నేడు పవిత్ర ‘అమృత్ స్నాన్’ రద్దు చేస్తూ కీలక నిర్ణయం తీసుకున్నారు.
కుంభమేళా తొక్కిసలాటలో హృదయ విదారక దృశ్యాలు https://t.co/yadKxTolxf pic.twitter.com/TyjjDRPuQK
— BIG TV Breaking News (@bigtvtelugu) January 29, 2025
