గద్వాలలో అమానుషం.. ఒకటవ తరగతి విద్యార్థిని వాతలు వచ్చేలా కొట్టిన టీచర్

గద్వాలలో అమానుష ఘటన చోటుచేసుకుంది.ఒకటవ తరగతి చదివే విద్యార్థిని ఓ టీచర్ వాతలు వచ్చేలా కొట్టిన ఘటన సోషల్ మీడియాలో వైరల్ అవుతోంది.గద్వాల్‌- అయిజలోని ఓ ప్రైవేట్ పాఠశాలలో బాధిత విద్యార్థిని 1వ తరగతి చదువుతోంది.

అయితే, క్లాస్ టీచర్ విద్యార్థిని వాతలు వచ్చేలా కర్రతో చితకబాదింది. ఇంటికి వెళ్లిన బాలుడు తల్లిదండ్రుల వద్ద బోరున విలపించాడు.కుమారుడి పరిస్థితిని చూసి ఆందోళనకు గురైన తల్లిదండ్రులు పాఠశాలకు వెళ్లి యాజమాన్యంతో గొడవకు దిగారు. విద్యా బుద్ధులు నేర్పాలని పంపితే ఇలా కొట్టడం ఏంటని ఆగ్రహం వ్యక్తం చేశారు.కాగా,విద్యార్థిని ఒంటిపై వాతలు తేలిని వీడియో ప్రస్తుతం వైరల్ అవుతోంది.

https://twitter.com/TeluguScribe/status/1884988106824098182