తెలంగాణలో ఉన్న ప్రతి బిడ్డ మనోడే అని మాజీ సీఎం కేసీఆర్ పేర్కొన్నారు. తాజాగా జహీరాబాద్ కార్యకర్తల సమావేశంలో మాట్లాడారు. ప్రాణం పోయిన సరే తెగించి కొట్లాడేది మనమే.. తెలంగాణకి రక్షణ మనమే. ఏడాది నుంచి సంగమేశ్వర, బసవేశ్వర ప్రాజెక్టు పనులు నిలిచిపోయాయి. త్వరలోనే భారీ సభ పెట్టుకుందాం. అన్ని మబ్బులు తొలిగిపోయి ఇప్పుడు నిజాలు బయటికి వస్తున్నాయి. మంచి ఏదో చెడు ఏదో ప్రజలకు తెలుస్తుంది.
మాట్లాడితే ఫామ్ హౌస్ ఫామ్ హౌస్ అని బద్నాం చేస్తున్నారు. ఫామ్ హౌస్ లో పంటలు తప్ప ఏముంటాయి అని ప్రశ్నించారు. తులం బంగారానికి ఆశపడి కాంగ్రెస్ కి ఓటేశారు. రాబోయే రోజుల్లో విజయం మనదే. మన విజయం తెలంగాణ ప్రజల విజయం కావాలి. ప్రత్యక్ష పోరాటాలకు సిద్ధం కండి
భూముల ధరలు అమాంతం పడిపోయాయి. చారిత్రక సందర్భంలో తెలంగాణ జాతి ఇతరుల చేతుల్లో చిక్కి విలవిలలాడింది, సర్వనాశనం అయిందని తెలిపారు కేసీఆర్.
