మహిళల రక్షణ విషయంలో పోలీసులు కఠిన వైఖరి అవలంబించాలని ఏపీ హోంమంత్రి అనిత ఆదేశించారు. రాష్ట్ర సచివాలయంలో రాష్ట్ర డీజీపీ హరీశ్ కుమార్ గుప్త, పోలీస్ ఉన్నతాధికారులతో సమీక్ష నిర్వహించారు. మహిళల రక్షణ విషయంలో కూటమి ప్రభుత్వం స్పష్టమైన వైఖరి కలిగి ఉందని.. విద్య, సాధికారిత, భద్రత విషయంలో రాజీ ఉండదన్నారు. మహిళల రక్షణ కోసం హెల్ప్ డెస్క్ ల ఏర్పాటు అవసరమైన సిబ్బంది ఏర్పాటు పై చర్చించారు.
సురక్ష పేరుతో ప్రత్యేక యాప్ రూపకల్పన పై కీలక సూచనలు చేశారు. ఏది ఏమైనా మహిళల రక్ణణ విషయంలో ఎళాంటి పరిస్థితిలో రాజీ పడొద్దని స్పష్టం చేసారు. మహిళల రక్షణ కోసం స్పెషల్ వింగ్ ఏర్పాటు చేసి అవసరమైన సిబ్బంది ఏర్పాటు.. వారికి ట్రైనింగ్ ఇవ్వాలని ఆదేశించారు. యాప్ రూపకల్పన మహిళా దినోత్సవమైన మార్చి 08 నాటికి పూర్తి అయ్యేలా చర్యలు తీసుకోవాలన్నారు. మహిళలు, చిన్నారుల రక్షణ కోసం అందరూ కలిసికట్టుగా పని చేయాలని సూచించారు. పోక్సో కేసుల్లో నిందితులకు త్వరితగతిన శిక్షలు పడేలా ఛార్జీషీట్ పకడ్బందీగా తయారు చేయాలని సూచించారు. ప్రతీ జిల్లాలో సురక్ష టీమ్ లు పెట్టి 24 గంటలు నిఘా ఉంచాలని ఆదేశించారు. 112, 181, 1098 వంటి హెల్ప్ లైన్లపై ప్రజల్లో అవగాహన కల్పించి.. నేరాలు తగ్గించాలని సూచించారు.
