తెలంగాణలో ఇటీవల ఉపాధ్యాయ, గ్రాడ్యుయేట్ ఎమ్మెల్సీ ఎన్నికలు ముగిసిన విషయం తెలిసిందే. ఈ ఎన్నికలు ముగిసిన సరిగ్గా నెల కూడా దాటకముందే రాష్ట్రంలో మరోసారి ఎన్నికలకు నగారా మోగింది. తాజాగా హైదరాబాద్ ఎమ్మెల్సీ ఎన్నికల షెడ్యూల్ ను కేంద్ర ఎన్నికల సంఘం విడుదల చేసింది. హైదరాబాద్ స్థానిక సంస్థల కోటా ఎమ్మెల్సీ ఎన్నికకు షెడ్యూల్ ప్రకటించింది. మార్చి 28వ తేదీన ఈ ఎన్నికలకు నోటిఫికేషన్ విడుదల కానుంది. ఏప్రిల్ 23వ తేదీన పోలింగ్ జరగనున్నట్లు ఎన్నికల అధికారులు తెలిపారు.25వ తేదీన ఓట్ల లెక్కింపు జరగనున్నట్లు వెల్లడించారు.
మే1వ తేదీతో ఎమ్మెల్సీ ప్రభాకర్ పదవీ కాలం ముగియనున్న నేపథ్యంలో తాజాగా ఈ స్థానానికి కేంద్ర ఎన్నికల సంఘం షెడ్యూల్ విడుదల చేసింది. ఇక ఇటీవల తెలంగాణలో నల్గొండ-వరంగల్-ఖమ్మం టీచర్ ఎమ్మెల్సీ అభ్యర్థిగా పీఆర్టీయూ అభ్యర్థి శ్రీపాల్ రెడ్డి, కరీంనగర్- నిజామాబాద్- ఆదిలాబాద్ టీచర్ ఎమ్మెల్సీ అభ్యర్థిగా కొమురయ్య గెలుపొందారు. ఇక కరీంనగర్ పట్టభద్రుల ఎమ్మెల్సీ ఎన్నికల్లో బీజేపీ అభ్యర్థి అంజయ్య విజయం సాధించారు.
