బరువు తగ్గడం ఎంత కష్టమో, ఆరోగ్యకరమైన బరువు పెరగడం కూడా అంతే కష్టం. ముఖ్యంగా, శరీరంలో అనవసరమైన కొవ్వు పెరగకుండా, కండరాల బలం పెరిగేలా బరువు పెరగాలంటే సరైన ఆహారం తీసుకోవాలి. అందుకు మనకు జీడిపప్పు అద్భుతంగా సహాయపడుతుంది. ఇది కేవలం రుచినిచ్చే డ్రై ఫ్రూట్ కాదు సన్నగా ఉన్నవారికి శక్తిని, పోషకాలను అందించే సహజమైన బూస్టర్. మరి జీడిపప్పును కొవ్వు పెంచకుండా ఆరోగ్యంగా బరువు పెరగడానికి ఎలా తినాలో తెలుసుకుందాం..
బరువు పెరగాలనుకునే వారు కేలరీలు ఎక్కువగా ఉన్న ఆహారాన్ని తీసుకోవాలి, కానీ అవి పోషకాలు నిండి ఉండాలి. జీడిపప్పు ఈ అవసరాన్ని అద్భుతంగా తీరుస్తుంది. జీడిపప్పులో ఆరోగ్యకరమైన మోనోఅన్‌శాచురేటెడ్ కొవ్వులు, ప్రొటీన్ మరియు కార్బోహైడ్రేట్లు అధికంగా ఉంటాయి. ముఖ్యంగా ఇందులో ఉండే ప్రొటీన్ కండరాల నిర్మాణం మరియు మరమ్మత్తుకు సహాయపడుతుంది. దీనివల్ల పెరిగే బరువు ఫ్యాట్ కాకుండా కండరాల రూపంలో ఉంటుంది.
అయితే బరువు పెంచడానికి జీడిపప్పును ఎప్పుడు, ఎలా తినాలనేదే అసలు ట్రిక్. రోజుకు రెండు సార్లు, భోజనాల మధ్యలో (మధ్యాహ్నం మరియు సాయంత్రం) సుమారు 10 నుండి 15 జీడిపప్పులను తినండి. మీరు దీన్ని మరింత సమర్థవంతం చేయాలంటే, జీడిపప్పులను రాత్రి నీటిలో నానబెట్టి, ఉదయం వాటిని తింటే పోషకాలు శరీరానికి ఇంకా బాగా అందుతాయి. లేదా జీడిపప్పులను పాలతో లేదా స్మూతీస్‌లో కలిపి తీసుకోవచ్చు. ఈ పద్ధతిలో తీసుకుంటే మీరు అదనపు ఆరోగ్యకరమైన కేలరీలను సులభంగా పొందుతారు. జీడిపప్పులో ఉండే మెగ్నీషియం జీవక్రియను మెరుగుపరుస్తుంది, ఐరన్ రక్తహీనతను నివారిస్తుంది. కాబట్టి జీడిపప్పును స్నాక్‌గా తినడం ద్వారా శరీరానికి శక్తిని, నిర్మాణానికి కావాల్సిన పోషకాలను అందించి ఆరోగ్యకరమైన బరువును పెంచవచ్చు.
సన్నగా ఉన్నవారికి, ముఖ్యంగా ఆరోగ్యకరమైన బరువు పెరగాలనుకునే వారికి జీడిపప్పు ఒక సులభమైన రుచికరమైన పరిష్కారం. కొవ్వు పెరగకుండా, కండరాల బలం పెరగాలంటే, ఈ శక్తివంతమైన గింజలను మీ దినచర్యలో భాగం చేసుకోండి. సరైన సమయంలో సరైన మోతాదులో తీసుకుంటే, మీ బరువు పెరిగే లక్ష్యాన్ని చేరుకోవడం పెద్ద కష్టం కాదు.
గమనిక: ఆరోగ్యకరమైన బరువు పెరగాలంటే కేవలం జీడిపప్పునే కాకుండా, తగినంత ప్రొటీన్ (పప్పులు, పాలు, గుడ్లు) మరియు రోజూ వ్యాయామం (బరువు శిక్షణ) చేయడం తప్పనిసరి.
