రాత్రి 8 గంటలు ఫుల్ గా నిద్రపోయాం, అయినా మార్నింగ్ లేవగానే ఏదో నీరసం.. అస్సలు ఓపిక ఉండదు. కనీసం బెడ్ మీద నుంచి దిగాలన్నా బద్ధకం. మీకు కూడా ఇలాగే అనిపిస్తుందా? “బానే నిద్రపోయాను కదా మళ్ళీ ఎందుకు ఇంత అలసట?” అని చాలామంది కన్ఫ్యూజ్ అవుతుంటారు. నిద్ర పోవడం వేరు క్వాలిటీ నిద్ర వేరు! అసలు మనం నిద్రపోయినా ఎందుకు అలసటగా అనిపిస్తుందో, దాని వెనుక ఉన్న ఆ షాకింగ్ కారణాలేంటో ఇప్పుడు చూద్దాం..
క్వాంటిటీ కాదు.. క్వాలిటీ ముఖ్యం: చాలామంది 7-8 గంటలు పడుకున్నాం కదా అనుకుంటారు. కానీ ఆ నిద్ర ఎంత ప్రశాంతంగా ఉందనేది ముఖ్యం. నిద్రలో మధ్య మధ్యలో మెలకువ రావడం, గాఢ నిద్ర (Deep Sleep) పట్టకపోవడం వల్ల బాడీ రిపేర్ అవ్వదు. దీనివల్ల మనం ఎన్ని గంటలు పడుకున్నా, ఉదయం లేవగానే మళ్ళీ నిద్ర వస్తున్నట్టు, నీరసంగా అనిపిస్తుంది.
డిహైడ్రేషన్ ఒక మెయిన్ రీజన్: మనం పడుకున్నప్పుడు బాడీలో వాటర్ లెవల్స్ తగ్గిపోతాయి. రాత్రి నిద్రపోయే ముందు లేదా ఉదయం లేవగానే తగినంత వాటర్ తాగకపోతే బాడీ డిహైడ్రేట్ అవుతుంది. నీళ్లు తక్కువైతే బ్లడ్ సర్క్యులేషన్ స్లో అవుతుంది, దానివల్ల ఆక్సిజన్ లెవల్స్ తగ్గి మనకు విపరీతమైన అలసటగా అనిపిస్తుంది. అందుకే వాటర్ తాగడం అస్సలు మర్చిపోవద్దు.
బ్లూ లైట్ ఎఫెక్ట్ తెలుసా?: నిద్రపోయే ముందు వరకు స్మార్ట్ఫోన్ చూడటం మనందరికీ అలవాటే. ఆ స్క్రీన్ నుంచి వచ్చే ‘బ్లూ లైట్’ మన బ్రెయిన్ను మోసం చేస్తుంది. అది ఇంకా పగలే అనుకుని, నిద్రకు కావాల్సిన ‘మెలటోనిన్’ హార్మోన్ను రిలీజ్ చేయదు. ఇక దీనివల్ల మనం నిద్రపోయినా బ్రెయిన్ మాత్రం రెస్ట్ మోడ్లోకి వెళ్లకుండా యాక్టివ్గానే ఉంటుంది. ఫలితంగా మార్నింగ్ అలసట గ్యారెంటీ!
ఏం తింటున్నామనేది ఇంపార్టెంట్: రాత్రి పూట హెవీగా భోజనం చేయడం లేదా కెఫీన్ (టీ, కాఫీ) ఎక్కువగా తీసుకోవడం వల్ల నిద్ర డిస్టర్బ్ అవుతుంది. అలాగే బాడీలో ఐరన్ లేదా విటమిన్ B12 లోపం ఉన్నా కూడా విపరీతమైన నీరసం వస్తుంది. ఇక మనం తిన్న ఫుడ్ ఎనర్జీగా మారకుండా, బాడీని టైర్డ్ చేసేలా ఉంటే ఆ రోజంతా చిరాగ్గానే ఉంటుంది.
మెంటల్ స్ట్రెస్ కూడా కారణమే: మన మైండ్లో ఏదైనా టెన్షన్ రన్ అవుతుంటే, నిద్రలో కూడా బ్రెయిన్ అదే ఆలోచిస్తుంది. దీనివల్ల బాడీకి దక్కాల్సిన అసలైన రెస్ట్ దొరకదు. వర్క్ ప్రెజర్ లేదా పర్సనల్ ఇష్యూస్ వల్ల వచ్చే ఈ ‘మెంటల్ ఫెటీగ్’ మనల్ని ఫిజికల్ గా కూడా వీక్ చేస్తుంది.
నిద్ర అంటే కేవలం కళ్లు మూసుకోవడం కాదు, అది మన బాడీని రీఛార్జ్ చేసే ప్రాసెస్. సరైన టైమింగ్స్ మెయింటైన్ చేస్తూ, పడుకునే ముందు ఫోన్ పక్కన పెట్టి, ప్రశాంతంగా నిద్రపోతే ఉదయం సూపర్ ఎనర్జిటిక్ గా లేవొచ్చు.
గమనిక: ఈ సమాచారం సాధారణ అవగాహన కోసం మాత్రమే. ఒకవేళ మీకు నెలల తరబడి ఇలాగే అలసటగా అనిపిస్తుంటే, అది ఏదైనా హెల్త్ ప్రాబ్లం కావచ్చు. వెంటనే డాక్టరును సంప్రదించి సలహా తీసుకోవడం మంచిది.
