పసిపిల్లల చర్మంలా మన ముఖం కూడా ఎంతో మృదువుగా ఉండాలని చాలామంది బేబీ లోషన్లు, పౌడర్లు వాడుతుంటారు. ఇవి చిన్నపిల్లల కోసం కాబట్టి ఎటువంటి సైడ్ ఎఫెక్ట్స్ ఉండవని మన నమ్మకం. కానీ, చర్మ నిపుణులు దీనిపై షాకింగ్ విషయాలు చెబుతున్నారు. చిన్నపిల్లల చర్మ తత్వం వేరు, పెద్దల చర్మం వేరు. పిల్లల ఉత్పత్తులు పెద్దలు వాడటం వల్ల చర్మం మెరవకపోగా కొత్త సమస్యలు వచ్చే అవకాశం ఉంది. అవేంటో ఇప్పుడు తెలుసుకుందాం.
చర్మ నిర్మాణంలో తేడాలు: చిన్నపిల్లల చర్మం చాలా సన్నగా, సున్నితంగా ఉంటుంది. అది త్వరగా తేమను కోల్పోతుంది కాబట్టి బేబీ ప్రొడక్ట్స్లో జిడ్డు (Oil content) ఎక్కువగా ఉండేలా తయారు చేస్తారు. కానీ పెద్దల చర్మం మందంగా ఉంటుంది. ఇక మన చర్మంలో నూనె గ్రంథులు, రోమ రంధ్రాలు పూర్తిగా అభివృద్ధి చెంది ఉంటాయి. ఈ తేడాను గమనించకుండా బేబీ ప్రొడక్ట్స్ వాడితే మన చర్మానికి అవసరమైన పోషణ అందదు.
మొటిమల ముప్పు:పెద్దల చర్మంలో నూనె ఉత్పత్తి ఎక్కువగా ఉంటుంది. బేబీ లోషన్లలో ఉండే అధిక జిడ్డు పెద్దల ముఖంపై రాసినప్పుడు, అది రోమ రంధ్రాలను మూసివేస్తుంది. దీనివల్ల చర్మం గాలి పీల్చుకోలేక మొటిమలు, వైట్ హెడ్స్, బ్లాక్ హెడ్స్ వంటి సమస్యలు మొదలవుతాయి. ఇక ముఖ్యంగా జిడ్డు చర్మం (Oily Skin) ఉన్నవారు వీటిని వాడితే ముఖం మరింత జిడ్డుగా మారి చర్మం కాంతిహీనంగా తయారవుతుంది.
ముడతలు, మచ్చలు తగ్గవు: వయసు పెరిగే కొద్దీ పెద్దల చర్మానికి ముడతలు, నల్లటి మచ్చలు, ఎండ వల్ల వచ్చే డ్యామేజ్ నుండి రక్షణ అవసరం. బేబీ ప్రొడక్ట్స్ కేవలం చర్మాన్ని తేమగా ఉంచడానికి (Moisturizing) మాత్రమే పనికివస్తాయి. ఇక వీటిలో వయసు పెరగకుండా ఆపే యాంటీ ఏజింగ్ గుణాలు కానీ, సూర్యరశ్మి నుండి కాపాడే సన్ ప్రొటెక్షన్ కానీ ఉండవు. ఫలితంగా మీ చర్మ సమస్యలు తగ్గవు సదా పెరుగుతాయి.
ప్రయోజనం ఉండదు: చిన్నపిల్లల ప్రొడక్ట్స్లో ఉండే పోషకాలు పెద్దల చర్మం లోపలి పొరల వరకు వెళ్లలేవు. దీనివల్ల వాటిని వాడినా చర్మానికి ఎటువంటి ప్రత్యేక లాభం ఉండదు. మనం వాడే ప్రొడక్ట్స్ మన చర్మ రకానికి (Skin Type), వయసుకు అనుగుణంగా ఉండాలని నిపుణులు సూచిస్తున్నారు. అప్పుడే చర్మం ఆరోగ్యంగా, యవ్వనంగా కనిపిస్తుంది.
పసిపిల్లల ఉత్పత్తులు పిల్లలకే అందం. పెద్దలు తమ చర్మ స్వభావాన్ని బట్టి నాణ్యమైన స్కిన్ కేర్ ప్రొడక్ట్స్ను ఎంచుకోవాలి. సున్నితత్వం కోసం బేబీ ప్రొడక్ట్స్ వాడి లేనిపోని స్కిన్ అలర్జీలను కొని తెచ్చుకోకండి.
గమనిక: పైన ఇచ్చిన సమాచారం కేవలం మీ అవగాహన కోసం మాత్రమే. చర్మ సంబంధిత సమస్యలు ఉన్నవారు ఏదైనా కొత్త ప్రొడక్ట్ వాడే ముందు చర్మవ్యాధి నిపుణులను (Dermatologist) సంప్రదించడం ఉత్తమం.
