ఈ రోజుల్లో భార్యాభర్తలిద్దరూ ఉద్యోగాలు చేస్తూ లైఫ్ చాలా బిజీగా మారిపోయింది. ఉదయం లేచింది మొదలు ఆఫీసుల హడావుడి, సాయంత్రం ఇంటికి రాగానే అలసట.. దీంతో చాల్లే అనుకుంటున్నారు. ఈ క్రమంలో దంపతులు ఒకరికొకరు సమయం కేటాయించుకోవడం మర్చిపోతున్నారు. రోజులో కనీసం ఒక ఐదు, ఆరు సెకన్లు కూడా భాగస్వామి కోసం వెచ్చించకపోవడం నిజంగా దారుణం. మరి నేటి జనరేషన్ దంపతుల మధ్య ప్రేమను, అన్యోన్యతను పెంచడానికి రిలేషన్షిప్ నిపుణులు ఒక సూపర్ మంత్రాన్ని చెబుతున్నారు. అదేంటో ఇప్పుడు చూద్దాం.
ఏమిటీ ఆరు సెకన్ల మంత్రం?: రిలేషన్షిప్ నిపుణుల ప్రకారం.. భార్యాభర్తల మధ్య బంధాన్ని గట్టిగా ఉంచడానికి ‘ఆరు సెకన్ల ముద్దు’ ఒక అద్భుతమైన సాధనంలా పనిచేస్తుంది. ఉదయం ఆఫీసుకు బయలుదేరే ముందు లేదా సాయంత్రం ఆఫీస్ నుండి అలసిపోయి ఇంటికి తిరిగి వచ్చినప్పుడు.. మీ భార్యను ప్రేమగా దగ్గరకు తీసుకుని, కౌగిలించుకుని కనీసం ఆరు సెకన్ల పాటు ముద్దు పెట్టుకోవాలి. ఇక ఈ ఆరు సెకన్ల పాటు ఆఫీస్ టెన్షన్లు, ఇంటి పనుల ఆలోచనలు ఏవీ లేకుండా కేవలం ఆ క్షణాన్ని మాత్రమే ఆస్వాదించాలి.
చిన్న అలవాటు.. పెద్ద మార్పు: వినడానికి ఇది చాలా చిన్న విషయంగా అనిపించినప్పటికీ, దంపతుల మధ్య పెరిగిన శూన్యతను, దూరాన్ని ఇది చాలా సులభంగా తొలగిస్తుంది. ఈ ఆరు సెకన్ల స్పర్శ శరీరంలో హ్యాపీ హార్మోన్లను విడుదల చేసి, మైండ్ను ప్రశాంతంగా మారుస్తుంది. ఇక రోజువారీ యాంత్రిక జీవితం వల్ల బంధంలో వచ్చే బోర్డమ్ను పోగొట్టి, దంపతుల మధ్య సరికొత్త ఉత్సాహాన్ని, కనెక్టివిటీని ఈ అలవాటు నింపుతుంది.
ప్రేమగా దగ్గరకు తీసుకోండి.. మాట్లాడండి: రోజులో ఒక్కసారైనా భార్యను ప్రేమగా దగ్గరకు తీసుకోవడం, ఆమెతో కాసేపు మనసు విప్పి మాట్లాడటం ప్రతి భర్త అలవాటుగా మార్చుకోవాలి. కేవలం డబ్బు సంపాదించడం, బాధ్యతలు నెరవేర్చడమే కాదు.. ఇలాంటి చిన్న చిన్న ప్రేమపూర్వక చర్యలు ఉన్నప్పుడే ఆ దంపతులు నిజంగా సంతోషంగా జీవిస్తున్నట్టు లెక్క. ఇక నేటి బిజీ లైఫ్లో పార్ట్నర్కు ఇచ్చే క్వాలిటీ టైమ్ బంధాన్ని మరింత బలోపేతం చేస్తుంది.
వారానికి రెండు సార్లైనా ప్రైవసీ ముఖ్యం: రోజువారీ హడావుడి వల్ల ప్రతిరోజూ ఎక్కువ సమయం గడపడం కుదరకపోయినా.. కనీసం వారంలో రెండు సార్లైనా భార్యాభర్తలు ఇద్దరే ఒంటరిగా, ప్రైవసీగా గడపడాన్ని ఒక రూల్లా పెట్టుకోవాలి. ఫోన్లు, సోషల్ మీడియాను పక్కన పెట్టి ఒకరినొకరు అర్థం చేసుకోవడానికి, పాత జ్ఞాపకాలను పంచుకోవడానికి ఈ సమయాన్ని వాడుకోవాలి. ఇక దీనివల్ల ఇద్దరి మధ్య ఎలాంటి మనస్పర్థలు రాకుండా ఉంటాయి.
దాంపత్య జీవితం విజయవంతంగా, సంతోషంగా సాగాలంటే పెద్ద పెద్ద బహుమతులు అవసరం లేదు. ఉదయం ఆఫీసుకు వెళ్లేటప్పుడు ఇచ్చే ఆరు సెకన్ల ముద్దు, సాయంత్రం ఇచ్చే చిన్న కౌగిలింత చాలు.. మీ భాగస్వామి ముఖంలో కొండంత ఆనందాన్ని నింపడానికి! కాబట్టి ఈ రోజు నుండే మీ బిజీ షెడ్యూల్లో ఈ చిన్న మార్పును చేర్చుకోండి, మీ లవ్ లైఫ్ను మరింత అందంగా మార్చుకోండి.
