నేచుర‌ల్ స్టార్ నాని సినిమా అంటే మినిమ‌మ్ హిట్ గ్యారంటీ అనే టాక్ ఉంది తెలుగు ఇండ‌స్ట్రీలో. ఇక ఈయ‌న సినిమాలు ఎప్పుడూ కొత్త క‌థ‌తోనే వ‌స్తుంటాయి. త‌న‌దైన స్టైల్‌లో కామెడీ, ఎమోష‌న‌ల్‌, యాక్ష‌న్ సన్నివేశాల‌ను పండిస్తూ కోట్లాది మంది అభిమానుల‌ను సంపాదించుకున్నారు నాని. అయితే ఈ హీరోకి స్పోర్ట్స్ బ్యాక్‌డ్రాప్ ఉన్న సినిమాలు ఇంత వ‌ర‌కు క‌లిసి రాలేదు.
ఇత‌కు ముందు చేసిన భీమిలి క‌బ‌డ్డీ జ‌ట్టు, జెర్సీ లాంటి సినిమాలు చేశారు. కానీ ఈ రెండు సినిమాలు పెద్ద‌గా వ‌సూళ్లు రాబ‌ట్ట‌లేక‌పోయాయి. అయినా మ‌ళ్లీ అదే బాట‌లో నాని వెళ్తున్న‌ట్టు తెలుస్తోంది. ఆయ‌న మ‌రో స్పోర్ట్స్ బ్యాక్ డ్రాప్ సినిమా చేస్తున్న‌ట్టు తెలుస్తోంది.
ఈ సారి ఫుట్‌బాల్ నేప‌థ్యంలో సినిమా చేయ‌బోతున్నారంట. కొత్త డైరెక్ట‌ర్ చెప్పిన క‌థ న‌చ్చ‌డంతో సినిమాకు ఓకే చెప్పేశారంట. ప్ర‌స్తుతం శ్యామ్ సింగ‌రాయ్ సినిమా చేస్తున్నాడు నాని. ట‌క్ జ‌గ‌దీశ్ సినిమా విడుద‌ల‌కు రెడీగా ఉంది. అయితే క‌రోనా కార‌ణంగా శ్యామ్ సింగ‌రాయ్ సినిమా వాయిదా ప‌డిన విష‌యం తెలిసిందే. ఈ సినిమా పూర్త‌య్యాకే ఫుట్ బాల్ నేప‌థ్యం ఉన్న సినిమా చేస్తాడంట నాని. మ‌రి మూడోసారైనా హిట్ కొడ‌తాడా లేదా చూడాలి.
