పాన్ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో వస్తున్న సినిమా ‘కల్కి AD 2898’. సినిమా ప్రకటించినప్పటి నుంచి ప్రతీ అప్డేట్తో ప్రేక్షకుల్లో హైప్ను క్రియేట్ చేస్తోంది ఈ మూవీ. ఇక ఈ సినిమాలో నటిస్తున్న వారితో ఇంకాస్త అంచనాలు పెరిగిపోయాయి. ఇప్పటికే బిగ్ బీ అమితాబ్ బచ్చన్, బాలీవుడ్ స్టార్ హీరోయిన్ దీపికా పడుకోన్, దుల్కర్ సల్మాన్, కమల్ హాసన్, దిశా పటానీ వంటి స్టార్ నటులు ఇందులో భాగమైన విషయం తెలిసిందే. అయితే ఇప్పుడు ఈ సినిమాకు సంబంధించి మరో వార్త నెట్టింట వైరల్ అవుతోంది.
కల్కి చిత్రంలో టాలీవుడ్ సీనియర్ నటుడు రాజేంద్ర ప్రసాద్ కూడా నటిస్తున్నారట. ఈ విషయాన్ని ఆయనే స్వయంగా ప్రకటించారు. ఓ సినిమా ఈవెంట్కు హాజరైన రాజేంద్ర ప్రసాద్ స్వయంగా ఈ విషయాన్ని వెల్లడించారు. ఇప్పటి వరకు ప్రభాస్తో కలిసి ఆయన నటించలేదు. దీంతో మొదటి సారిగా ఈ కాంబో తెరపైన సందడి చేయబోతోందని ప్రభాస్ ఫ్యాన్స్ తెగ ఖుష్ అయిపోతున్నారు.
