సుకుమార్, అల్లు అర్జున్ కాంబినేషన్ లో భారీ అంచనాలతో వస్తున్న సినిమా పుష్ప. ఈ సినిమాను మైత్రి మూవీ మేకర్స్ నిర్మిస్తున్నారు. పాన్ ఇండియా వైడ్ రిలీజ్ ప్లాన్ చేసిన ఈ సినిమా టీజర్ రిలీజైంది. స్టైలీష్ స్టార్ అల్లు అర్జున్ పుట్టిన రోజు కానుక‌గా ఈ టీజ‌ర్‌ని విడుదల చేశారు. అభిమానుల‌కు పండగ ఒక రోజు ముందే వ‌చ్చిన‌ట్లైంది. “త‌గ్గేదే లే” అంటూ చెప్పిన డైలాగ్..తో అల్లు అర్జున్ కేక‌పెట్టించాడు. టీజర్ రిలీజ్ కే ఓ గ్రాండ్ ఈవెంట్ ప్లాన్ చేశారు చిత్రయూనిట్. ముందునుండి పుష్ప భారీ తనాన్ని చూపించడానికి టీజర్ రిలీజ్ కే ఇంత హంగామా చేసినట్టు తెలుస్తుంది.
పుష్ప టీజర్ ఇలా రిలీజైందో లేదో అలా సోషల్ మీడియాలో వైరల్ గా మారింది. అంతర్జాలం అంతా అతలాకుతలం అయ్యేలా అల్లు అర్జున్ పుష్ప టీజర్ సోషల్ మీడియాని షేక్ చేస్తుంది. ఇక రిలీజైన కొద్ది నిమిషాలకే ట్రెండింగ్ లో ఉండగా ఇక రానున్న గంటల్లో ఎలాంటి సంచలనాలు సృష్టిస్తుందో చూడాలి.
